Tájikstannyń ishki ister mınıstri Ramazon Rahımzoda quqyq qorǵaý organdarynyń árbir qyzmetkerine aıyna bir ret teatrǵa barýdy tapsyrdy, dep habarlaıdy «Qamshy» aqparattyq agenttigi Ortalyq Azıa jańalyqtar qyzmetine silteme jasap.

Mundaı tapsyrma ishki ister mınıstriniń bastamasymen jáne quqyq qorǵaý mekemesiniń ortalyq apparat basqarmasynyń tolyq quramy ótken aptada Ábilqasym Lahýtı atyndaǵy memlekettik drama teatryna baryp, «Charhı gardon» tarıhı kórinisin kórip qaıtqannan keıin berilgen.

İİM baspasóz hatshysy Ýmardjon Ýmaralı teatrǵa barý qyzmetkerlerdiń rýhanı-adamgershilik deńgeıin kóteredi ári aýyr eńbek kúninen keıin, sharshaǵanyńdy basady deıdi.

İİM baspasóz hatshysynyń aıtýynsha, ishki ister mınıstri tarıhı kórinisti tamashalaǵannan keıin, onyń dramatýrgy Nýr Tabarovqa alǵysyn bildirip, qoıylym ishki ister organdary qyzmetkerleriniń jumysyna uqsaıdy dep, aı saıyn teatrǵa baryp turatynyn aıtqan.