Ortalyq komýnıkasıalar qyzmetinde «Elbasynyń Qazaqstan halqyna Joldaýy aıasynda kóktemgi dala jumystaryn qarjylandyrý jáne aýylsharýashylyǵyn damytý» taqyrybynda baspasóz konferensıasy ótti dep jazady "Qamshy" aqparattyq agenttigi. Baspasóz konferensıasyna «QazAgro» ulttyq basqarýshy holdıńi» AQ Basqarma tóraǵasynyń orynbasary Aıgúl Muhamedıev, «Agrarlyq nesıe korporasıasy» AQ Basqarma tóraıymy Gúlnáz Atamqulova jáne «Azyq-túlik kelisim shart korporasıasy» UK» AQ Basqarma tóraǵasynyń orynbasary Sábıt Qashqymbaevtar qatysty.
Aǵymdaǵy jyldyń naýryz aıynda Holdıń kóktemgi-egis jáne jınaý jumystaryn qarjylandyrý úshin 60 mlrd.teńge kólemindegi jyl saıynǵy búdjettik qaryz qarajatyn aldy.
Bıylǵy jyly nesıeleý mehanızmi Agroónerkásiptik keshendi damytýdyń 2017-2021 jyldarǵa arnalǵan memlekettik baǵdarlamasymen úılesimin tapqan jáne egistik alańdaryn ártaraptandyrýǵa baǵyttalǵan. Bul úshin aǵymdaǵy jyldyń 1 sáýirine deıin birinshi kezektegi tártippen 11 basym daqyl boıynsha ótinimder qabyldanyp, qarjylandyrý júzege asyrylady, olar: kúnbaǵys, raps, zyǵyr, soıa, arpa, qant qyzylshasy, kúrish, astyq júgerisi, maqta, suly, kartop. 1 sáýirden bastap barlyq basqa daqyldar boıynsha ótinimder qabyldanyp, qarjylandyrý júzege asyrylady.
Aýyl sharýashylyǵy mınıstrligimen belgilengen josparǵa sáıkes 567,7 myń gektar alańdaǵy basym daqyldar qarjylandyrylýy tıis. Kelip túsken ótinimderge sáıkes, aýylsharýashylyq taýar óndirýshileriniń raps, zyǵyr, arpa jáne kúrish egýge qyzyǵýshylyqtary artyp otyrǵany baıqalady. Sonymen birge, taýar óndirýshilerdiń 3 basym daqylǵa degen belsendiligi tómen bolýyn atap ótý qajet, bul: qant qyzylshasy, maqta jáne astyq júgerisi. Atalǵan baǵyttardy qarjylandyrý jumystary qoıylǵan josparǵa jetkenge deıin jalǵasady.
Aǵymdaǵy jyly búdjetten bólingen aqsha qarajaty tikeleı Agrarlyq nesıe korporasıasyna tústi. Qarjylandyrý úsh baǵyt boıynsha júzege asyrylady:
• ekinshi deńgeıli bankterdi qorlandyrý arqyly – qaryz alýshylar úshin sońǵy paıyzdyq mólsherleme jyldyq 5%-dy quraıdy;
• nesıe seriktestikterin, aımaqtyq ınvestısıalyq ortalyqtardy, shaǵyn qarjy uıymdaryn qorlandyrý arqyly – aýylsharýashylyq taýar óndirýshileri úshin sońǵy mólsherleme – jyldyq 6%;
• Korporasıanyń jyldyq 2%-ben ekinshi deńgeıli banktiń kepildigimen tikeleı nesıeleýi, ol aýylsharýashylyq taýar óndirýshileri úshin Banktiń kepildik qunyn esepke alǵanda shamamen jyldyq 6%-dy quraıdy.
Aǵymdaǵy jyly aýylsharýashylyq kooperatıvterin ekinshi deńgeıli bankter arqyly qarjylandyrý baǵdarlamasy jalǵasady. Eger, 2015 jyly qarjylandyrý eki kooperatıvten bastalsa, 2016 jyly 10 kooperatıv qarjylandyrylǵan, al bıylǵy jyly 12 kooperatıv qarjylandyrýǵa ótinish jasady.
Azyq-túlik kelisim shart korporasıasy aýylsharýashylyq ónimderin satyp alýǵa kelisim-sharttar jasasý arqyly kóktemgi-egis jumystaryn júrgizýdi yntalandyrýǵa qatysýyn jalǵastyrady. Osylaısha, aýylsharýashylyq taýar óndirýshileriniń ónimderin kepildikpen ótkizýin qamtamasyz etedi.
Budan basqa, «QazAgroQarjy» aksıonerlik qoǵamynyń jelisi arqyly aǵymdaǵy jyldyń kóktemgi-egis jáne egin jınaý jumystaryn júrgizý úshin tehnıka satyp alýǵa 11,6 mlrd.teńge qarajat baǵyttaý josparlanyp otyr.
