Májiliste Májilistiń Halyqaralyq ister, qorǵanys jáne qaýipsizdik komıtetiniń tóraǵasy Máýlen Áshimbaevtyń jetekshiliginde «Qazaqstan Respýblıkasyndaǵy memlekettik qyzmet týraly» Zańynyń oryndalý barysyndaǵy «100 naqty qadam» Ult josparynyń 1 – 15, 28, 29 qadamdaryn oryndaý sheńberinde «Qazaqstan Respýblıkasynyń memlekettik qyzmeti týraly» Qazaqstan Respýblıkasy Zańynyń oryndalý barysy týraly»,- degen taqyrypta dóńgelek ústel ótti. Onyń jumysyna Májilis Tóraǵasynyń orynbasary Vladımır Bojko qatysty dep habarlaıdy "Qamshy" aqparattyq agenttigi QR Parlamenti Májilisi Apparatynyń Baspasóz qyzmetine silteme jasap.
İs-sharany ashý barysynda atalǵan Komıtet tóraǵasy Máýlen Áshimbaev memlekettik kórsetiletin qyzmetterdi usyný men ekonomıkalyq jáne áleýmettik baǵdarlamalardy sapaly iske asyrý úshin Memleket basshysy Nursultan Ábishuly Nazarbaev usynǵan bes ınstıtýsıonaldyq reforma quramynda kásibı memlekettik apparatty qalyptastyrý baǵytynyń mańyzdylyǵyn atap kórsetti.
Memlekettik qyzmet isteri agenttigi tóraǵasynyń orynbasary Aıgúl Shaıymova Memleket basshysynyń «100 naqty qadam» Ult josparynda aıqyndalǵan kásibı memlekettik apparatty qalyptastyrý jónindegi tapsyrmasyn iske asyrý barysy týraly egjeı-tegjeıli baıandap berdi. Máselen, onyń aqparatyna súıensek, jańa qabyldanǵan Memlekettik qyzmet týraly zańnyń arqasynda 15 tarmaqtyń 11-i iske asyryldy.
Baıandama jasaǵan depýtat Ersultan Bekturǵanov qabyldanǵan Zańdy iske asyrý jáne «100 naqty qadam» Ult josparynyń birinshi baǵytyn oryndaý maqsatynda qajetti birqatar mańyzdy aspektilerge toqtalyp ótti. Atap aıtqanda, parlamentarııler memlekettik qyzmetke kirý jáne odan ótý, memlekettik apparattyń kásibıligi men ádep kodeksi normalarynyń oryndalý deńgeıin arttyrý boıynsha naqty usynystar engizdi.
Talqylaý barysynda depýtattar memlekettik qyzmetshilerdiń eńbegine aqy tóleý boıynsha tásilderdi ózgertýge, «A» korpýsyna kiretin laýazymdar tizbesin ońtaılandyrýǵa, Qazaqstan Respýblıkasy Prezıdentiniń janyndaǵy Memlekettik qyzmet akademıasyn odan ári damytýǵa jáne birqatar basqa da máselelerge qatysty suraqtar qoıdy.
L.N. Gýmılev atyndaǵy Eýrazıa ulttyq ýnıversıtetiniń profesory, Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń janyndaǵy Qoǵamdyq keńes múshesi Erkin Ońǵarbaev, Májilis depýtaty Qýanysh Sultanov jáne Qazaqstan Respýblıkasy Bas Prokýratýrasynyń Kadr jumysy departamenti bastyǵynyń orynbasary Gúlnar Shúshikova memlekettik jáne quqyq qorǵaý qyzmetine kirý jáne olardan ótý kezindegi birqatar problemaly máselelerge jáne olardy sheshý joldaryna erekshe nazar aýdardy.
Otyrys qorytyndylary boıynsha Komıtet tóraǵasy Máýlen Áshimbaev Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń «Qazaqstan Respýblıkasynyń memlekettik qyzmeti týraly» Zańdy iske asyrý boıynsha júrgizgen nátıjeli jumysyn atap ótti.
İs-sharaǵa Májilis depýtattary, Bas prokýratýranyń, Qazaqstan Respýblıkasy Memlekettik qyzmet isteri agenttiginiń, İshki ister, Ulttyq ekonomıka, Qarjy mınıstrlikteriniń ókilderi men memlekettik emes uıymdardyń ókilderi qatysty.
