Búgin, 14 sáýirde «Ksell» kompanıasy mobaıl bilim berý jónindegi «Digital Life» aýqymdy jobasyn iske asyrýdyń ekinshi jylynyń qorytyndysyn jarıalady, dep habarlaıdy Qamshy aqparattyq agenttigi. Eki jyl ishinde oǵan Qazaqstannyń 16 qalasynan barlyǵy 6,2 myńnan astam adam qatysty. Mobıldik medıa, mobıldik qaýipsizdik, mobıldik bilim berý, mobıldik memleket, mobıldik bıznes jáne basqa da taqyryptar boıynsha 230 tegin master-klass ótkizildi.
«Ksell» uıymdastyrǵan «Digital Life» mobıldik bilim berý jónindegi sheberlik sabaqtaryna 6 myńnan astam qazaqstandyq qatysty.
«Digital Life» jobasy uıymdastyrýshylarynyń mindeti qazaqstandyqtardyń smartfondar men mobıldi qosymshalardyń múmkindikteri men artyqshylyqtary týraly bilimin arttyrý boldy. Master-klass tyńdaýshylary – mektep oqýshylary men ata-analar, stýdentter, shaǵyn jáne orta bıznes ókilderi, jýrnalıser men blogerler.
«Barshaǵa arnalǵan bilim» - «Ksell» kompanıasynyń áleýmettik jobalardy iske asyrýdaǵy negizgi ustanymy. Bul bizdiń barlyq nıet bildirýshilerge ózin-ózi damytý men bilim alýǵa múmkindik beretin quraldar men mobıldi tehnologıalardy usynatynymyzdy bildiredi. Bizdiń mobıldi bilim berý jónindegi kýrstarymyz bul maqsatqa tolyq saı keledi. Olarǵa kez kelgen adam qatysa alady, kýrstar tegin jáne Qazaqstannyń barlyq iri qalalarynda ótedi. Biz qazaqstandyqtar bilim alý, kásip júrgizý, densaýlyqty nyǵaıtý jáne jaı ǵana qarym-qatynas jasaý úshin óz smartfondarynyń bar áleýetin paıdalansa eken deımiz. Biz aıtarlyqtaı shamada muny iske asyra aldyq dep oılaımyn», dep atap ótti «Ksell» AQ komýnıkasıalar bóliminiń jetekshisi Natalá Eskova.
Sonymen birge zeınetkerler úshin «Apashkı, atashkı ı smartfon» atty kýrs arnaıy uıymdastyryldy, oǵan qatysýshylar smartfon qoldanýdy, messendjer ornatýdy jáne áleýmettik jelilerde áńgimelesýdi úırengen.
«Internet-ómirge belsene aralasýdy burynnan qalaıtynmyn. Maǵan jańalyqtar, kitaptar, fılmder men mýzykanyń bárin ınternetten tabýǵa bolatynyn aıtty. Meniń búkil álem boıynsha dostarym kóp, biraq olarmen únemi baılanys jasap turý múmkin bola bermeıdi. Sodan ulym smartfon syılady. Smartfonnyń qoldanýshyǵa arnalǵan kitapshasyn oqyp shyqtym, biraq shynymdy aıtsam, túk túsinbedim. Al qazir – trenıń kezinde WhatsApp pen Youtube-ti qalaı qoldanýdy, ınternetke qalaı qosylý kerektigin, álemniń basqa bir túkpirindegi adamdy qalaı tabýǵa bolatynyn túsindim. Qazirgi dúnıeni taný, nemerelerim aıtqandaı, «baıybyn bilý» - bul óte qyzyq, ári tartymdy», - deıdi «Apashkı, atashkı ı smartfon» kýrsyn tyńdaýshylarynyń biri Aleksandr Frolenkov.
Qamshyger: Gúlim Jaqan
