Qazaqstan ulttyq arnasynyń jeksenbilik «Apta» saraptamalyq habarynda Qazaq televızıasynyń kesek tulǵalary ataldy dep habarlaıdy Qamshy.kz

Baǵdarlama júrgizýshisi birneshe apta buryn Qazaqstanǵa kelip trenıń ótkizgen reseılik jýrnalıs Solovóv týraly aıta kelip, onyń trenıńine qatysyp shyqqan sońǵy kásipker, jýrnalıs Armanjan Baıtasovtyń «Qazaqstanda Solovóv sekildi saıraıtyn telearnada professıonal tulǵa joq, onymen tipti ıyq tirestirip turyp aıtysa alatyn telejuldyzdaryńyzdy aıtyńdarshy qane?» degen pikirine toqtalady.

«Ne deıin, ol ras, dál Solovóvteı shovınıs, dál Solovóvteı iritki salǵysh, dál Solovóvteı óz ultynyń ústemdigin nasıhattaıtyn jýrnalıs rasymen de bizde joq. Esesine bizdiń telearnalarda parasattylyǵy men bilimi oı-órisi men mádenı ólshemi Solovóvten áldeqaıda bıik telejýrnalıster jetip artylady. Tek, olardyń baǵasyn ózimiz bile bermeımiz, bilsek te keıde moıyndamaımyz. Búgin biz dástúrli «Reıtıń» aıdarynyń ornyna Qazaqstan televızıasynyń damýyna súbeli úles qosqan, ulttyń ult bolyp uıysýyna ózindik eńbegin sińirgen áriptesterimizdiń eńbegin taǵy bir atap ketýdi jón kórdik», - deıdi júrgizýshi Muhtar Túmenbaev.