Instagram áleýmettik jelisi Android operasıalyq júıesine birneshe qyzmetti ınternetsiz de qoljetimdi etti, dep habarlaıdy reactor.inform.kz portaly TechCrunch-ke silteme jasap.

F8 konferensıasynda Instagram kompanıasynyń ókilderi aldaǵy ýaqytta  Jeli qoldanýshylarynyń Internetke qosylmaı-aq pikir jazyp, laık basýyna, fotony saqtaýyna múmkindik týyndaıtynyn málimdedi. Bul fýnksıalardyń barlyǵy da qosymshada saqtalyp, paıdalanýshy Internetke qosylǵan kezde iske asatyn bolady.

Atalǵan fýnksıa ázirshe tek Android qoldanýshylaryna ǵana qoljetimdi bolyp otyr, alaıda taıaý arada iOS qoldanýshylary da buǵan qol jetkizetin bolady dep josparlanýda.

Aıta keteıik, qazirgi tańda álemde 600 mln adam Instagram áleýmettik jelisin qoldanady.