Túrkıanyń Ystambul qalasynda túrkitildes elderdiń ortaq telearnasyn qurý boıynsha jumys tobynyń alǵashqy otyrysy ótti. Jıynda Qazaqstan, Ázirbaıjan men Túrkıanyń medıa salasynyń menedjerleri bolashaq arnanyń tujyrymdamasyn talqylady. Bul jóninde Baq.kz jańalyqtary jazdy.  

Túrki keńesi Bas hatshysynyń orynbasary Abzal Saparbekulynyń aıtýynsha Qazaqstan delegasıasy osy jıynǵa arnaıy qujatpen keldi. Osy qurylatyn telearnanyń tujyrymdamasyn daıyndap, múshe memleketterdiń ókilderimen talqyǵa saldy. Aldaǵy kezekte múshe memleketter Qazaqstan usynǵan tujyrymdamany egjeı-tegjeı talqylap, kelesi jyly aqpan aıynda ótetin jıynda ortaq kelisimge kelýde josparlap otyr. 

Qazaqstandyq sarapshylardyń pikirinshe, ortaq telearna aqparattyq-tanymdyq baǵytta habar taratýǵa baǵyttalǵan. Sondaı-aq, álemge túrki tarıhy pen mádenıetin salt-dástúrin nasıhattaıtyn basty arnaǵa aınalýy kerek. Mundaı telearna ashýdy bıyl Elbasy Bodrýmda ótken túrkitildes memleketter yntymaqtastyǵy keńesiniń samıtinde kótergen bolatyn. Osyǵan oraı, Túrki keńesiniń hatshylyǵy arnaıy jumys tobyn quryp, arnanyń quqyqtyq-normatıvtik bazasyn ázirleýge kiristi.

Kelesi jyly Astanada ótetin samıtte Memleket basshylary tıisti kelisimge qol qoıady dep josparlanýda.

Qamshy-aqparat