Iaroslav oblysynyń turǵyny qaterli isikke shaldyqqan 10 jastaǵy Anton Davydovtyń emi úshin belgisiz qaıyrymdy jan 10 mıllıon rúbl aýdarǵan. Bul qarajat balanyń Germanıada tolyqtaı emdelýine jetedi, dep jazady Qamshy aqparattyq agenttigi.

 «23 mamyrdyń keshinde Oksananyń (Antonnyń anasy) kartasyna belgisiz bireý 10 mıllıon rúbl aýdarǵan. Mundaı qarajatty kórgen Oksana bizge birden habarlasty. Árıne, ana júrgei qatty tolqydy, senbedi, sebebi bul qarajatpen balanyń tolyqtaı aıyǵyp ketýine múmkindik kóp», dedi jazdy erikti Natalá Kovaleva paraqshasyna.

Ol qarajattyń qalaı da jınalaryn bilgen, biraq biraz ýaqyt kerek edi. Al qajetti qarajat aýdarylǵan soń, aqsha jınaý qory dereý jabyldy.

Oksana Davydova dál mundaı ǵajaıyptyń bolaryn bilmegen. «Kartamdaǵy qomaqty qarajatty kórgende qýanyshtan jylap jiberdim. Antonǵa jaqsy jańalyqty birden jetkizdim, endi Germanıaǵa ushý ǵana qaldy», dep jazdy Oksana «Vkontakte» áleýmettik jelisinde.

Belgisiz qaıyrymdy janǵa óziniń paraqshasy arqyly ǵana alǵysyn jetkizip, ony óziniń «perishtesi» dep atady. Alaıda, ol jannyń kim ekeni belgisiz bolyp qala berdi.

Anton sambomen aınalysatyn, bir ýaqytta aıaǵyndaǵy aýyrlyqty sezinetin bolady. Alǵashynda dárigerler ne bolǵanyn túsinbeı dal boldy, al balanyń jaǵdaıy nasharlaı berdi, ózdiginen qozǵalýdy doǵardy. Tolyq tekserýden soń ǵana onyń Iýıng sarkomasy, ıaǵnı súıek obyryna shyldyqqany anyqtaldy.

Antonǵa dereý operasıa jasatý kerek boldy, biraq elde múmkindik bolmaǵandyqtan operasıa Germanıada jasalýy tıis edi. Ol úshin 12 mln rúbl qajet bolǵan. Endi, mine, halyqtyń jáne belgisiz qaıyrymdy jannyń arqasynda qarajat tolyqtaı jınaldy.

Sholýshy: Gúlim Jaqan