Aqordada Qazaqstan Respýblıkasynyń Memlekettik hatshysy Gúlshara Ábdiqalyqova Dúnıejúzilik banktiń Qazaqstandaǵy turaqty ókili Ato Braýnmen kezdesti.

Ekijaqty kezdesý barysynda Qazaqstan men Dúnıejúzilik bank arasyndaǵy yntymaqtastyqtyń ózekti máseleleri talqylandy. Qazirgi ýaqytta banktiń qatysýymen jalpy quny 8,1 mlrd. dollar bolatyn 46 joba iske  asyrylǵan.

G.Ábdiqalyqova bıyl Dúnıejúzilik bank pen Qazaqstannyń yntymaqtastyǵyna 25 jyl tolyp otyrǵanyn atap ótti. Bank shırek ǵasyr ishinde elimizdegi jekemenshik sektordy damytýǵa, qurylymdyq reformalar júrgizýge jáne ınfraqurylymdy jaqsartýǵa ózindik úlesin qosty.

Memlekettik hatshy Qazaqstannyń 2050 jylǵa qaraı damyǵan 30 eldiń qataryna qosylý mindetin alǵa qoıyp otyrǵanyn atap ótti. El Prezıdenti N.Nazarbaevtyń halyqqa arnaǵan «Qazaqstannyń úshinshi jańǵyrýy: jahandyq básekege qabilettilik» atty joldaýynda ekonomıkalyq ósimniń jańa modelin qalyptastyrý mindeti qoıyldy.

Gúlshara Ábdiqalyqova 2017 jyly Qazaqstan Dúnıejúzilik banktiń «Bıznes júrgizý jeńildigi» reıtıńi boıynsha 190 eldiń arasynda 51-shi orynnan 35-shi orynǵa kóterilgenin atap ótti. «Táýelsizdik jyldarynda elimizge kelgen sheteldik tikeleı ınvestısıanyń jalpy aǵyny shamamen 280 mlrd. dollar boldy», – dedi Memhatshy.

Kezdesý barysynda taraptar ekijaqty yntymaqtastyqty damytýdyń qazirgi qarqynyna rızashylyq bildirdi.

Kezdesý sońynda QR Memlekettik hatshysy G.Ábdiqalyqova múshe elderdiń turaqty ekonomıkalyq ósýin qamtamasyz etý jolynda Dúnıejúzilik banktiń Qazaqstandaǵy turaqty ókili A.Braýnǵa sáttilik pen tabys tiledi.