Ótken dúısenbide orta salmaqtaǵy (72 keli) álem chempıony Gennadıı Golovkın men Saýl Alvares Londonda baspasóz-máslıhatyn ótkizdi. Bul týraly Qamshy aqparattyq agenttigi prosports.kz-ke silteme jasap habarlaıdy.

«Men óte qobaljyp turmyn. Qyrkúıekte biz ózge deńgeıdegi  «Big Drama Show» kórsetemiz. Boks álemi osy kezdesýdi asyǵa kútti. Ekeýmiz judyryqtasatynymyzǵa qýanyshtymyn. Bul - meniń mansabymdaǵy eń mańyzdy kezdesý. Kaneloǵa sáttilik tileımin», - dedi GGG.

Golden Boy Promotions basshysy Oskar De La Hoııa qol astyndaǵy boksshy Saýl Alvarestiń qazaqstandyqty uta alatynyna senimdi.

«Alvares pen Golovkın - aýyr soqqyǵa ıe eń qyzýqandy boksshylar. Ekeýi de keremet tehnıkaǵa ıe jáne osy úshin olardy bári jaqsy kóredi. «Kanelo» eshkimnen qoryqpaıdy jáne ol buny qyrkúıekte dáleldemek», - dedi promoýter.

«Men eshqashan eshkimnen qoryqqan emespin. Sebebi men 16 jasymnan bastap kásipqoılarmen judyryqtasyp júrmin. Men týǵanda qorqynysh sezimi joǵalǵan. Osy kezdesýde men ózimniń qýatymdy kórsete alatynyma senimdimin. Golovkınniń qanshalyqty qaýipti ekenin bilemin jáne men ony qurmetteımin. 16-shy qyrkúıekte Genany nokaýtqa jiberemin», - dedi Alvares.

Sholýshy: Aıgerim Taýbaı