«Real» Ronaldý komandadan ketken jaǵdaıda ony almastyra alatyn oıynshyny qarastyryp jatyr. Bul týraly Qamshy aqparattyq agenttigi ProSport.kz-ke silteme jasap  habarlaıdy.

Qazirdiń ózinde madrıdtik komanda úsh oıynshy taýyp úlgerdi. Olar – Kılıan Mbappe, Robert Levandovskı nemese Paýlo Dıbala. Madrıdtik komanda basshylyǵy atalǵan úsh oıynshynyń kez kelgeni Ronaldýdy «Realda» joqtatpaıdy dep esepteıdi.

 Esterińizge salsaq, salyq tólemegeni úshin ústinen qylmystyq iz qozǵalǵan Ronaldý «Realdan» ketkisi keletindigin aıtqan. Al Ronaldýdyń komandalastary onyń bul áreketti aılyǵyn kótertý úshin jasap otyrǵan amal dep esepteıdi. Birneshe BAQ Ronaldýdy «Manchester Iýnaıted» klýbyna aýysýǵa kelisim bergendigin jazǵan.
 

Sholýshy: Aıgerim Taýbaı