Iraktyń Mosýl qalasynda mınanyń jarylýynan Fransıadan kelgen tilshiler zardap shegip, onyń bireýi qaza tapty, dep habarlaıdy Qamshy aqparattyq agenttigi QazAqparatqa silteme jasap. 

Mert bolǵan fransýz jýrnalısiniń esimi - Stefan Vılnev. Sondaı-aq, jarylys kezinde kúrd jýrnalısi Bahtıar Haddad qaza tapty. Taǵy eki fransýz tilshisi jaraqat alǵan. Bul aqparatty zardap shekkenderdiń biri Samýel Fore óziniń Twitter-degi paraqshasynda rastady. Sondaı-aq, ol óziniń áriptesteri úshin jany kúızeletinin jetkizdi.

Le Mond-tyń deregi boıynsha, qazirgi tańda Fore Baǵdatqa evakýasıalandy. Mosýlda jýrnalıserdi qala úshin kúresip jatqan Iraktyń arnaıy kúshter toby alyp júrgen. Mosýldy «Islam memleketi» uıymynyń sodyrlarynan azat etý urysy 2016 jyldyń kókteminde bastalǵan. Oǵan AQSH-tyń halyqaralyq avıasıa koalısıasynyń basshylyǵymen Iraktyń áskeri qatysyp jatyr.

18 maýsym kúni áskerdiń Mosýldaǵy eski aýdandardyń birinde sodyrlardyń sońǵy anklavyna shabýyl jasaǵany belgili boldy.