AQSH prezıdenti Donald Tarmp resmı saparmen Vashıngtonǵa kelgen Ýkraına basshysy Petr Poroshenkony qabyldaıdy, dep jazady Qamshy aqparattyq agenttigi. Bul týraly Aq úı habarlaıdy.

Habarlamaǵa sáıkes, Poroshenko men AQSH-tyń vıse-prezıdenti Maıkl Pens kúnniń alǵashqy jartysynda Aq úıdegi Tramp otyrǵan bólmege kiredi. Ol ýaqytta Tramp ulttyq qaýipsizdik jónindegi kómekshisi Gerbert Makmastermen kezdesý ótkizbek. Iaǵnı, Tramp pen Poroshenkonyń kezdesýi tolyqqandy ótpeıdi.

Aq úıdiń baspasóz hatshysy Shon Spaıser budan buryn tilshilerge bergen suhbatynda Poroshenkomen kelissózdi AQSH vıse-prezıdenti Pens júrgizedi dep málimdegen. «Meniń túsingenim boıynsha, Poroshenkony vıse-prezıdent qabyldaıdy», - degen edi Spaıser.