Eske salatyn bolsaq, 23 mamyr kúni Joǵarǵy sot Jamalıevke baılanysty shyǵarylǵan sot sheshimin ózgertti. Qylmys jazasy 2 esege qysqardy. Osyǵan baılanysty qoǵam múshelerinde túrli saýaldar kóbeıip ketti. Bul saýaldarǵa QR Bas prokýratýrasy bas prokýrorynyń kómekshisi Dýman Qojahmetov jaýap berdi dep málimdeıdi Qamshy aqparattyq agenttigi.

Bas prokýror kómekshisi aýyr qylmys jasap, 13 jylǵa bas bostandyǵynan aıyrylǵan kásipkerdiń isi qaıta qaralǵanyn málimdedi. Nátıjesinde dál osy bap erejesi boıynsha 10-7 jylǵa qysqartý máselesi talqylanyp, 7 jylǵa qysqartyldy.

Sottalýshylar A. Ábiltaev jáne A. Prıbytkovtyń jazalaý merzimi de dál osy ereje boıynsha 8 jyldan 5 jylǵa qysqartyldy.

«Sot prosesi kezinde basqa sheshimder ózgerissiz qaldy. Anyǵyna kelgende, Q. Jamalıevtiń qorǵaýshysy jazalanýshynyń jazasyn jeńildetý týraly ótinish jazdy. Kórip turǵandaryńyzdaı, eshkim aqtalyp shyqqan joq» - dep jaýap berdi Qojahmetov.

Ol odan ári bul qylmystyń nelikten aýyr bolyp sanalǵanyna túsinikteme beredi.

Nátıjesinde Bas prokýror Jamalıevtiń isin ózgerissiz qaldyryp, isti jabý týraly úkim shyǵardy jáne bul másele boıynsha kúdik keltirmeý kerektigin eskertti.

46 jastaǵy kásipker Qaırat Jumalıev Álibı Jumaǵulovty jábirlegeni úshin qylmystyq kodekstiń úsh baby boıynsha 13 jylǵa sottalǵan bolatyn.

                                                                                                                                                               Sholýshy Orazhan Aqtolqyn