Eshqashan jeńilip kórmegen kásipqoı boksshy Genadıı Golovkın (37-0, 33 KO) MAXIM  jýrnalyna bergen suhbatynda óziniń otbasy, súıikti jary, bokstan da basqa qyzyǵýshylyq tanytantyn sporty men aldaǵy ýaqytta meksıkalyq boksshy Saýl "Kanelo" Alvarespen  (49-1-1, 34 KO) ótetin jekpe-jekten keıingi josparlary týraly bólisti. Qamshy aqparattyq  agenttigi atalmysh suhbatty  MAXIM  jýrnalyna silteme jasaı otyryp nazarlaryńyzǵa usynady. 

Osy ýaqytqa deıin ótkizgen jek-jekterińizdiń ishinde siz úshin qaısysy  qyzyqty  boldy?

• Vaý! Qyzyq suraq eken. Men úshin barlyq jekpe-jek  mańyzdy ári qıyn boldy. Árbir kezdesýden úırenerim kóp. Solardyń ishinde myqty qarsylas retinde  Mettú Meklın, Marko Antonıo Rýbıolardy ataı alamyn. Sondaı-aq ózimniń sońǵy jekpe-jegim  erekshe  unady. Men muny bokstyń fanaty retinde aıtyp otyrmyn.

• Kásipqoı boks alańyndaǵy eń myqty jekpe-jekti atasańyz?
• Hýlıo Sezar Chaves pen Meldrıka Teılordyń kezesýi jáne Mıkı Ýord pen  Artýr Gattıdiń jekpe-jegin ataı alamyn.

• Kásipqoı boks tarıhynda kil myqtylarmen kezdesý múmkindigine ıe bolsańyz kimderdi tańdar edińiz?
• Bul óte qıyn suraq eken. Bálkim, Shýgar Reı Robınson, Tommı Hırns, Mennı Pakáo nemese Floıd Meıvezer. Al, Maık Taısonǵa tisim batpaıtyn shyǵar (kúlip). Eger joǵaryda ataǵan boksshylardyń birin tańdaý múmkindigi bolsa meniń nazarym Shýgar Reıge túser edi. Sebebi, onyń tehnıkasy, kóz ilespes jyldamdyǵy  ózin bıiktetip turady.

• Boks alańynan tys qashan tóbeleskenińiz esińizde me?
•  Naǵyz tóbeles pe álde jaı ǵana soqqy ma? Men óte tártipti balamyn. Bálkim sońǵy ret áıelimmen tóbelesken shyǵarmyn. Ol jeńiske jetti (kúlip). Al, endi shyndyǵyna keler bolsaq eseıgen shaǵymda derlik kúnde tóbeles bolatyn. Qazaqstandaǵy ómirim jeńil bolmady.

• Kim myqty? Qazaqstandyqtar ma álde meksıkalyqtar ma?
• Onyń ara-jigin ajyratý óte qıyn, qarapaıym adamdar retinde biz bir-birimizge qatty  uqsaımyz. Eki eldiń boksshylary da osal emes. Qıyn suraq!

• Sizdiń armanyńyzdaǵy kezdesý jáne ony qalaı ótkizer edińiz?
• Siz meni ajalymnan buryn óltireıin dedińiz be? Men óte aqyldy jigitpin. Men ózimniń ómirimdi jáne súıikti jarymdy jaqsy kóremin. Bizdiń úıde bastyq – meniń áıelim. Sondyqtan onyń qalaǵany bolady.

• Gonararyńyzdy  qandaı qyzyqty nársege jumsar edińiz?
• Eger sizdiń qolyńyzda qarjyńyz jetkilkti bolyp, qaıyrymdylyq jasaýǵa múmkindigińiz bolsa  jarıaǵa jar salmastan jaı ǵana shyn kóńilmen iske kirisken jón. Al maǵan keler bolsaq, kóp nárseni qalaýshy edim.  Sebebi, meniń ómirim óte qarapaıym.

• Bokstan ózge qandaı qyzyǵýshylyǵyńyz bar?
• Men jumystan bos ýaqytymdy otbasyma, balalaryma arnaımyn. Birge kıno kórip, parkterde  serýendeýdi unatamyn. Árıne túrli sport túrlerin, fýtbol, hokeı, tenısterdi de tamashalaýǵa  baramyz. Tipti kerlıng sportyn da baqylap otyramyz. Kelesi jyly Olımpıadada osy sport túrinen baq synasam ba dep oılap otyrmyn (kúlip).

•  Eger boksqa kelmeseńiz kim bolýshy edińiz?
• Men búkil ómirimdi boksqa arnadym. Eger taǵdyr mańdaıyma bokser bolýdy  jazbaǵanda, tehnıkalyq ýnıversıtetke túsýshi me edim.

•  Meıvezer men Konor  MakGregordyń jekpe-jegi jaıly ne aıta alasyz?
• Meniń  «Konelomen» ótkizetin kezdesýim naǵyz professınoldy jekpe-jek. Al Meıvezer men MakGregordyń kezdesýi – shoý. Floıd - boksshy, al MakGregor – joq. Maǵan klasıkalyq boks unaıdy, mynadaı shoý emes.

• «Konelomen» kezdesýden keıin ne isteısiz?
• Ol týraly oılaǵym da aıtqym da kelmeıdi. Sebebi, men ózimdi 100 paıyz kezekti jekpe-jekke daıyndaýdamyn. Bálkim, armanym bolǵan kerlıngke baratyn shyǵarmyn. 

Esterińizge sala keteıik, Golovkın men Alvarostyń  jekpe-jegi 16 qyrkúıekte Las-Vegastyń T-Mobile arenasynda ótedi. Bul kezdesýde qazaqstandyq kásipqoı boksshy  orta salmaqtaǵy álem chemtıonynyń WBA (Super), IBF ı IBO tıtýldaryn qoǵaıdy. 

Daıyndaǵan: Aqerke Maratqyzy