2017 jyldyń 3 shildesinde Memleket basshysy jol júrisi salasyndaǵy zańnamany odan ári jetildirýge baǵyttalǵan «Qazaqstan Respýblıkasynyń keıbir zańnamalyq aktilerine jol júrisi máseleleri boıynsha ózgerister men tolyqtyrýlar engizý týraly» Zańǵa qol qoıdy. Zańdaǵy ózgerister 11 shildede mınıstrlik saıtynda jarıalandy dep habarlaıdy Qamshy.kz.
Zańmen Salyq kodeksine memlekettik tirkeý nómirlik belgileriniń tizbesin keńeıtý bóliginde túzetýler engizildi, olardy bergeni úshin: sıfrlyq belgilenýi 010, 020, 030, 040, 050, 060, 070, 077, 080, 090, 707–5 700 paıyz; sıfrlyq belgilenýimen baılanysty emes áriptik belgilenýi birdeı (AA), VVV (VV), SSS (SS), ZZZ (ZZ) – 5 700 paıyz; áriptik belgilenýi birdeı, sıfrlyq belgilenýi 001, 002, 003, 004, 005, 006, 007, 008, 009, 777–28 500 paıyz; áriptik belgilenýi birdeı, 100, 111, 200, …, 999 memlekettik tirkeý nómirin bergeni úshin – 19 700 paıyz; áriptik belgilenýi birdeı, 010, 020, 030, 040, 050, 060, 070, 077, 080, 090, 707 – 11 400 paıyzmemlekettik bajdyń joǵarylatylǵan mólsherleri kózdeledi.
Qazaqstan Respýblıkasynyń Ákimshilik quqyq buzýshylyq týraly kodeksine: 1) kólik quralyn alkogóldik masań kúıde basqarǵany úshin múgedekterdi kólik quraldaryn basqarý quqyǵynan 3 jylǵa aıyrý túrindegi ákimshilik jaýapkershilik engizildi (ÁQBtK 46-babynyń tórtinshi bóligi); 2) ÁQBtK 596-babynyń úshinshi bóligin ár túrli túsindirýdi boldyrmaý maqsatynda, atalǵan norma qarsy jolaqqa shyǵý tyıym salynǵan jerlerde qarsy júrý jolaǵyna shyǵa otyryp, burylý nemese keri burylý úshin kólik quraldaryn basqarý quqyǵynan aıyrý túrindegi ákimshilik jaýapkershilikke tartý bóliginde naqtylan ÁQBtK 596-babynyń úshinshi bóligi); 3) jol belgilerimen nemese joldyń júrý bóligindegi tańbalarmen kórsetilgen talaptardy saqtamaǵany úshin aıyppul mólsheri 5-ten bastap 3-ke deıin AEK qysqartyldy (ÁQBtK 601-babynyń birinshi bóligi); 4) masań kúıin kýálandyrýdan ótýden bas tartqan úshinjúrgizýshi kýáliginen aıyrý merzimi 2 jyldan 3 jylǵa deıin kóbeıtildi(ÁQBtK 613-babynyń tórtinshi bóligi); 5) ishki ister organdarynyń, áskerı polısıanyń qyzmetkeri toqtatqan jaǵdaıda onyń ruqsatynsyz jolaýshy kólik quralyn tastap ketken úshin jaýapkershilik alynyp tastalyndy(ÁQBtK 613-babynyń on ekinshi bóligi).
«Jol júrisi týraly» Zańda túngi ýaqytta (saǵat 23-ten tańǵy 06 saǵatqa deıin) qalaaralyq, aýdanaralyq qatynastarda avtobýstarmen udaıy emes tasymaldaýlar arqyly jolaýshylardy tasymaldaýǵa tyıym salý alynyp tastalyndy. Ákimshilik kedergilerdi tómendetý maqsatynda júrgizýshi kýáliginiń merzimi ótip ketken jaǵdaıda júrgizýshi kýáligin aıyrbastaý kezinde jol júrisi qaǵıdalaryn bilýin tekserý úshin emtıhan tapsyrý jónindegi mindettilik alynyp tastalyndy. İshki ister organdarynyń qyzmetkeri toqtatqan jaǵdaıda onyń ruqsatynsyz jolaýshynyń kólik quralyn tastap ketýine tyıym salatyn norma alyp tastalyndy. «D» (avtobýstar) sanatyndaǵy kólik quralyn basqarý úshin áskerı qyzmetshilerdiń jasy 19-dan 18 jasqa tómendetildi.
İshki ister organdary qyzmetkerleriniń is-áreketin tirkeý úshin kólik quralyn toqtatqan jaǵdaıda júrgizýshilerge foto- jáne beınejazba júrgizý quqyǵy berildi. Kólik quralyn toqtatqannan keıin polısıanyń: dereý jaqyndap kelýi, ózin tanystyrýy, júrgizýshiniń talap etý boıynsha qyzmettik kýáligin kórsetýi, toqtatý sebebin túsindirý, radardyń (qoldanylǵan jaǵdaıda) derekterin kórsetý mindeti belgilendi. Kólik quralyn toqtatqan polısıa qyzmetkerleriniń zańdy talabyn oryndaý boıynsha júrgizýshiniń mindeti belgilendi. Ýákiletti organnyń laýazymdy tulǵalaryna jol júrisi salasynda nusqamalar shyǵarý boıynsha quzyret berildi, buryn osyndaı ókilettilik jol júrisi qaýipsizdigin qamtamasyz etý jónindegi bas memlekettik ınspektorǵa ǵana berilgen bolatyn.
Quqyqtyq naqtylaý maqsatynda Zańnyń 52-babynyń eskertýinde kólik quralyn toqtatý negizdemeleriniń biri bolyp tabylatyn «arnaıy is-sharalar» uǵymynyń mazmuny ashylyp engizildi(«arnaıy is-sharalar»– quqyq qorǵaý jáne arnaýly memlekettik organdar júrgizetin jedel-profılaktıkalyq, jedel-izdestirý, kúzet is-sharalary jáne terorızmge qarsy operasıalar). Kólik quralyna aerografıa salý boıynsha tyıym salý alynyp tastaldy. «Tm» sanatyndaǵy (tramvaı) kólik quraldaryn basqarý quqyǵyn alý úshin jasy tómendetildi (25 jastan 21 jasqa deıin) jáne basqa kólik quralyn basqarý tájirıbesi bar bolý qajettigi týraly talap alynyp tastalyndy.
Jaıaý júrginshiler ótkelinen velosıpedti aıdap júrýge tyıym salyndy. Evrazıalyq ekonomıkalyq odaqqa múshe memleketterdiń azamattaryna kásipkerlik qyzmet nemese ózge de eńbek qyzmetin júzege asyrǵan kezde halyqaralyq nemese sheteldik júrgizýshi kýáliginiń negizinde kólik quralyn basqarýǵa ruqsat berildi. 2018 jyldyń 1 qańtarynan bastap qoldanysqa engiziletin berilgeni úshin memlekettik bajdyń joǵarylatylǵan mólsherlerin kózdeıtin memlekettik tirkeý nómirlik belgileriniń tizbesin keńeıtýge qatysty Salyq kodeksine túzetýlerdi qospaǵanda, Zańnyń erejeleri 2017 jyldyń 15 shildesinen bastap qoldanysqa engiziledi.
