Soltústik Qazaqstan oblysynyń ákimi Qumar Aqsaqalov jumys saparymen Qyzyljar jáne M.Jumabaev aýdandarynda boldy. Óńir basshysy  aldyn ala josparlanǵan baǵyt boıynsha  barmaǵanyn atap aıtý kerek, dep habarlaıdy Qamshy.kz aqparat agenttigi SQO ákimdiginiń baspasóz qyzmetine silteme jasap.

Ákim eń aldymen  Qyzyljar aýdanyndaǵy Sokolov aýyldyq okrýgine  at basyn tiredi. Onda óńir basshysy Sokolov  orta mektebine bardy. Búgingi kúni oqý ornynda  265 oqýshy bar. Qumar Aqsaqalov úsh zaly bar mektep murajaıyn aralady. Sportzalda oblys ákimi  aýdandyq jarysqa daıyndalyp jatqan sportshylarmen áńigimelesti. Ol oblys mektepteri arasynda  úlgililerdiń biri bolyp sanalady. Jańa oqý jylyna ázirlik jumystary belsendi túrde júrgizilýde.  Mektep janyndaǵy shaǵyn ortalyqta jóndeý jumystary  atqarylýda. Ol 75 balaǵa shaqtalǵan.

«Biz aýdan ázirlegen baǵyt boıynsha  júrgemiz joq. Sondyqtan árbir aýdandaǵy kez kelgen mektepke soǵatyn bolamyz. Jaǵdaıdyń qalaı ekendigin, jańa oqý jylyna  qalaı ázirlenip jatqandyǵyn baıqaımyz. Jazǵy lagerlerdiń qalaı  jumys istep jatqandyǵyn, onyń tıimdiligin  kórsem deımin»,- dedi Qumar Aqsaqalov.

Óńir basshysy áleýmettik nysandarmen qatar,  eldi mekenderdiń kórkeıtilýine de nazar aýdardy. Oblys ákimi Vınogradov aýyldyq okrýginde jer  alqaptarynyń paıdalaný tıimdiligin tekserdi. Tekserý barysynda «Vınogradov agrofırmasy» JSHS-na jalǵa berilgen jerdiń durys paıdalanylmaıtyndyǵy anyqtaldy. Seriktestiktiń quryltaıshysy Adam Bogeev eken. Ondaǵy jer ýchaskelerine aramshóp qaptap ketken.

«Jer jaqsy. Biraq onda jumys istemeıdi ekensiz. Siz astyq almaısyz, al adamdar eńbekaqysyz qalady. Siz sóıtip  memlekettiń múlkin tıimsz paıdalanasyz. Ol durys emes»,-  dedi oblys ákimi.

Odan keıin oblys ákimi Qyzyljar aýdanynyń aktıvimen kezdesti. Kezdesý kezinde aýdannyń  áleýmettik-ekonomıkalyq damýynyń birinshi jartyjyldyqtaǵy qorytyndysy talqylandy. Ol jaıly jıtnalǵandarǵa  aýdan ákimi Bolat Jumabekov baıandady.

M.Jumabaev aýdanyna sapar kezinde  óńir basshysy Ýspen aýyldyq okrýginiń agrarshylarymen kezdesti. Oblys ákimi alqaptarda tehnologıalardyń  saqtalýy men aýyspaly egistik máselesine qyzyǵýshylyq bildirdi.

«Alqaptardy aralaıtyn bolamyz. Qazir par dep otyrǵan parlarymyz barlyq talaptarǵa jaýap bermeıdi. Sony birlese tekserýimiz kerek»,- dedi  aýyl sharýashylyǵy taýarlaryn óndirýshilermen áńgimelesken kezde Qumar Aqsaqalov.

Sosyn óńir basshysy aýyldyń kórkeıtilýimen jáne  egistik alqaptardyń jaǵdaıymen tanysty.

«Sharýashylyqtyń,  aýdan ákimdiginiń qalaı jumys isteıtindigin, jaǵdaıdy barynsha baqylaý úshin qandaı sharalar qoldanyp jatqandyǵyn  kórip otyrmyz. Baqylaý úshin neni baqylaý kerektigin, qalaı baqylaý qajettigin bilý kerek. Júıelilik bolmasa, jaǵdaı ózgerip ketýi múmkin. Júıe sońyna deıin jumys istemeıtindigin baıqap,  arnaıy keldik»,- dedi aralaýdyń qorytyndysyn shyǵarǵan Qumar Aqsaqalov.

Býlaev qalasynda «Jumyspen qamtýdyń jol kartasy - 2020» baǵdarlamasy boıynsha  salynǵan 18 páterlik  jataqhanamen oblys ákimin tanystyrdy. Jumys sapary M.Jumabaev  aýdany aktıvimen kezdesýmen aıaqtaldy.