Qostanaıdaǵy Zatobolsk aýylynda qyzdy eki ret qaǵyp ketken "Gazel" júrgizýshisi sol kezde mas kúıde bolǵan. Sondaı-aq, onyń bul áreketi adam óltirýge oqtalý deregi retinde tergelip jatyr, - dep habarlaıdy  Qamshy.kz  aqparat agenttigi  Qostanaı oblystyq prokýratýrasynyń baspasóz qyzmetine silteme jasap.

Prokýratýra ókilderi oqıǵanyń mán-jaıyn aıtyp berdi. Jol-kólik oqıǵasy bolmastan buryn "Gazel" júrgizýshisi men qyzdyń arasynda janjal bolǵan. "16 shildede Zatobolsk aýylynda mas er adam "Qyzyldash" kafesinde buzaqylyq jasap, eki qyzdy uryp jibergen. 15 mınýttan soń kúdikti kafe mańynda ornalasqan avtoturaqqa baryp, qyzdardy kútip otyrǵan. Sodan qyzdardyń biri shyqqanda ol ony qasaqana qaǵyp ketken. Nátıjesinde zardap shekken qyz dene jaraqatyn alyp qaldy", - dedi prokýratýra ókilderi.

Sondaı-aq, vedomstvo ókilderi bul derektiń adam óltirýge oqtalý deregi retinde tergelip jatqanyn aıtyp ótti. Qostanaı oblysynyń prokýratýrasy osy qylmystyq is boıynsha sotqa deıingi tergeýdi bastady.