Ýkraına prezıdenti Petr Poroshenko Grýzıanyń eks-prezıdenti jáne Odessanyń burynǵy gýbernatory Mıhaıl Saakashvılıdi Ýkraına azamattyǵynan aıyrý týraly buıryqqa qol qoıdy, dep jazady Qamshy.kz aqparat agenttigi. Bul týraly Ýkraınanyń memlekettik mıgrasıa qyzmetiniń resmı saıty habarlady.

«Ýkraına prezıdenti Saakashvılıdi Ýkraına azmattyǵynan aıyrý jóninde sheshim qabyldady. Saakashvılıdiń qujattary Ýkraınanyń bas prokýratýrasynda, odan keıin Ýkraınanyń memlekettik mıgrasıa qyzmetinde, sondaı-aq azamattyq másele jóninde komısıa otyrysynda qaraldy», - delingen habarlamada.

Mıgrasıa qyzmetiniń málimdeýinshe, "Saakashvılı Ýkraına azamattyǵyn alarda jalǵan aqparat bergen. Ol Ýkraına, ne basqa aımaqta tergeýde joq ekenin aıtqan. Keıin Saakashvılıdiń Grýzıada syrttaı qamaýǵa alynǵany belgili bolǵan".

Alaıda Poroshenkonyń resmı saıtynda Saakashvılıdi azamattyqtan aıyrý jóninde resmı aqparat shyqpaǵan.

2015 jyly Grýzıa Saakashvılıdi azamattyqtan aıyrdy. Onyń áıeli Sandra Rýlofs - Golandıa azamaty.

Sol jyldyń 30 mamyrynda Poroshenko Saakashvılıdge ýkraın azamattyǵyn berý jóninde qujatqa qol qoıǵan. Dál sol kúni ol Odessanyń bas prokýrory qyzmetine kiristi.

Qyzmeti barysynda jergilikti elıtalarmen kelisimge kele almaı, prezıdent ákimshiligindegi qyzmetkerlerdi jemqorlyqqa aıyptap, aryz jazǵan.

2 kúnnen soń Poroshenko onyń jumystan qýylǵany jóninde málimdedi. Sondaı-aq Saakashvılı Ýkraına prezıdentiniń keńesshisi qyzmetinen de bosady.

Aıta keteıik, Saakashvılı 2008-2013 jyldary Grýzıa prezıdenti boldy. Saılaýdan jeńilis tapqan soń Ýkraınaǵa barǵan. Otanynda oǵan qarsy birneshe qylmystyq ister qozǵaldy.