Keshe Beıjinde Qytaı komýnıstik partıasynyń XVIII quryltaıy ashyldy. Osyǵan baılanysty ma, álde, basqa sebepter boldy ma, ótken 2 aptanyń aınalasynda Qytaı eli birneshe shetel aqparat kózderiniń ınternettegi paraqshalaryna shekteý qoıdy. Onyń basynda dúnıejúzi jurty tanıtyn «New York Times» tursa, sol qatarda álem qazaqtaryna arnalǵan «Qamshy» portalynyń tóte jazý nusqasy da bar. «New York Times»-tyń kókeıinde ne oılaıtynyn qaıdam? «Qamshynyń» qamy – óz qazaǵy. Qytaı týraly aqparat jarıalasaq, ol Qazaq eliniń «Qytaıtaný» salasyna úles qossaq degen ıgi tilek.

Ǵalamtorda qandaı ǵalamat baryn kim bilsin? Portalymyzdyń tóte jazý nusqasy qalaı toqtatyldy, izinshe sýret júktelýde qıynǵa soqty. Tipti keıde ashylmaı da qalatyn jaǵdaı kezdesip jatyr. Jalpy, «Alystan dos, jaqynnan jaý izdeme» degen qazaqtyń ádemi sózi bar. Endeshe, alty Alashtyń qamy dep ashylǵan «Qamshy» portalynan ózge jurttyń sonshalyqty qaýip kútýiniń qajeti shamaly dep oılaımyz.

Basty maqsat baıaǵydaı – bar qazaqtyń pikirin bir arnaǵa toǵystyrý.