Orta salmaqta WBA (Super), IBO, WBC jáne IBF tujyrymdary boıynsha álem chempıony qazaqstandyq Gennadıı Golovkınniń bapkeri Abel Sanches shákirtiniń qarsylasy - meksıkalyq Saýl Alvarestiń soqqysy myqty degenge kúmán keltirdi, - dep habarlaıdy Qamshy.kz aqparat agenttigi Vesti.kz saıtyna silteme jasap.

"Kanelo" - boqmuryn. Ol jyldam kombınasıa jasaıdy, biraq Golovkındi ózinen alshaq ustaý úshin shapalaq bop qana tıetin soqqylarynan da artyq kúsh jumsaýy qajet. "Kanelo" - myqty pancher emes, taıaýda ol naǵyz pancherdiń qandaı bolatynyn biledi", - dep málimdedi Sanches Yahoo Sports basylymyna bergen suhbatynda. 

Bapker Golovkınniń sońǵy jekpe-jekte amerıkalyq Denıel Djeıkobsqa qarsy bar kúshin salyp judyryqtaspaǵanyn aıtyp ótti. Sanchestiń aıtýynsha, buǵan óz sebepteri de bolǵan.

"Qalaı oılaısyzdar, Golovkın rıngke kóterilip, Djeıkobsty soqqynyń astyna alsa, qazir "Kanelomen" jekpe-jek bolar ma edi? Men bulaı oılamaımyn, sondyqtan Oskar De La Hoııa (Alvarestiń promoýteri - Avt.) 2018 jyly judyryqtassyn deýmen boldy. Gennadıı Dennıdi nokaýtqa túsirse, bul jekpe-jegimiz bolmaı qalar edi. Bul kúlkili, biraq Djeıkobspen kezdesý ótkizgennen keıin Alvarestiń komandasy kenet bizben jekpe-jek uıymdastyrý týraly aıta bastady. Bul kezdeısoqtyq deı almaımyn. Bul orta salmaqtaǵy chempıon men qoly jyldam balanyń kezdesýi. Golovkın qashyqtyqty azaıtsa jáne taımıngti túsinse, ol "Kanelony" taptap tastaıdy dep oılaımyn", - dedi Golovkınniń bapkeri. 

Golovkın men Alvares arasyndaǵy kezdesý 16 qyrkúıek kúni Las-Vegastaǵy T-Mobile sport kesheninde ótedi. Qazirdiń ózinde bul boks keshiniń bıletteri satylyp ketken. AQSH jerinde jekpe-jekti NVO arnasy aqyly júıe boıynsha kórsetedi.