Syrtqy ister mınıstri Qaırat Ábdirahmanov Mysyr syrtqy saıası vedomstvosynyń basshysy Sameh Shýkrımen telefon arqyly áńgimesi barysynda alty qazaqstandyq azamattyń Kaırde ustap áketilýi boıynsha ahýaldy talqylady, dep habarlaıdy Qamshy.kz aqparat agenttigi QR Syrtqy ister mınıstrliginiń baspasóz qyzmetine silteme jasap.
Telefon arqyly suhbat 27 shildeniń keshinde Qazaqstan tarapynyń bastamasy boıynsha júrgizildi.
«Qazaqstan mysyrlyq bılikten jas azamattardyń ustap áketilý sebepteri men olardyń qazirgi tańda bolý mekenjaıy, densaýlyqtary týraly tolyq aqparatty kútip otyr», dedi Qaırat Ábdirahmanov. Ustap alynǵandardyń barlyǵymen Qazaqstan konsýlynyń kezdesýin uıymdastyrý qajet.
S. Shýkrı qoıylǵan suraqtardy tolyǵymen túsinip otyrǵanyn jáne olardyń dáıektiligin aıtyp, bul máselelerdi sheshýde barynsha járdem kórsetýge ýáde berdi.
Sondaı-aq, mınıstrler áńgime barysynda negizin joǵarǵy deńgeıdegi kezdesýler qalaǵan eki memleket arasyndaǵy saıası, saýda-ekonomıkalyq jáne mádenı-gýmanıtarly yntymaqtastyqtyń damý barysyn talqylady.
