Jeńilip kórmegen kanadalyq boksshy Djordan Balmır (5-0, 3 KO) Qanat «QAZAQ» Islam 24-0, 19 KO) ótkizgen sporıng týraly jáne otandasymyzdyń Brendon Kýkpen (18-0, 11 KO) ótkizetin kezdesýine boljam jasady, dep habarlaıdy Qamshy.kz  aqparat agenttigi Vesti.kz saıtyna sálteme jasap.

«Men Qanat Islamnyń Florıdada sporrıng qarsylasy boldym. Onymen ótkizgen tórt raýndtyń qorytyndysy boıynsha, myqty boksshy ekenin túsindim. Onyń eki qolynyń da soqqysy joıqyn. Óte myqty. Alys qashyqtyqta da, jaqyn qashyqta myqty judyryqtasady.

Men Kýkty jaqsy bilemin. Qanat Islamnyń kúshin óz basymnan ótkizdim. Muny aıtqym kelmeıdi, biraq Kýktyń jeńiske jetetin múmkindigi joq. Eger «QAZAQ» bar kúshin salatyn bolsa, Kýkty esinen tandyryp jiberýi múmkin. Meniń oıymsha, Qanat Islam nokaýtpen jeńiske jetedi», – deıdi Balmır.

Eske salaıyq, Qanat Islam men Brendon Kýk arasyndaǵy kezdesý 9 qyrkúıek kúni elordamyz Astana qalasynda ótedi. Kanadalyq boksshy óziniń sońǵy kezdesýin otandasy Stıven Batlerge qarsy ótkizip, nokaýtqa túsirgen bolatyn.

Qanat Islam bolsa óziniń sońǵy kezdesýin 26 mamyr kúni meksıkalyq Norberto Gonsaleske qarsy ótkizip, 12 raýndtyń qorytyndysy boıynsha tóreshilerdiń sheshimimen jeńiske jetti. Sóıtip orta salmaqtaǵy WBO NABO jáne WBA Inter-Sontinental tujyrymy boıynsha chempıondyq belbeýlerin jeńip aldy. Qazirgi ýaqytta otandasymyzdyń enshisinde 24 kezdesý bar jáne boksshymyz onyń barlyǵynda jeńiske jetken. 19 kezdesýde ol qarsylastaryn nokaýtqa jibergen.