AQSH prezıdenti Donald Tramp juma kúni prezıdent ákimshiliginiń basshysy etip ishki qaýipsizdik mınıstri Djon Kellıdiń taǵaıyndady, dep jazady Qamshy.kz aqparat agenttigi.

Óziniń sheshimi jaıynda Tvıtterdegi paraqshasyna jazǵan Tramp atqarýshy bılik júıesindegi adamdardyń qyzmetterin aýystyrýdyń sebebin túsindirgen joq. Prezıdenttiń bul sheshimi Kongerstegi «Qoljetimdi densaýlyq saqtaý týraly zańdy» keri qaıtaryp alýǵa tyrysqan áreketi sátsiz aıaqatlǵan soń qabyldanǵan. Atalmysh zańdy keri qaıtarý prezıdent pen onyń ákimshiligi úshin mańyzdy bolǵan.  

Respýblıkalyq partıa ulttyq komıtetiniń tóraǵasy qyzmetin atqarǵan Reıns Prıbýs Donald Tramptyń saılaýaldy kampanıasyna tolyq qoldaý kórsetilýin qamtamasyz etken edi. Jergilikti baspasóz quraldarynyń habarlaýynsha, sońǵy kezderi Aq úıde Prıbýstyń pozısıasy álsirep, ol mańyzdy sheshimder qabyldaýdan shet qalyp kelgen.

Buryn Iraktaǵy halyqaralyq koalısıa kúshterin basqarǵan otstavkadaǵy general Djon Kellı AQSH saıası ısteblıshment ortasynda bedeli joǵary. Onyń ákimshilikke taǵaıyndaýyn baqylaýshylar quptap otyr.