Sheteldik BAQ-tyń málimetinshe, bılik basynda áli de qalýdy kózdeıtin Venesýela prezıdenti Nıkolas Madýro eldegi aýyr daǵdaryspen kúresý úshin halyqqa bar shyndyqty taratatyn 40 telearna men radıobaǵdarlamalardy jaýyp tastaǵan, dep jazady Qamshy.kz aqparat agenttigi.

Alaıda jýrnalıser moıymaǵan. Halyq olardyń jańalyǵyn kógildir ekran arqyly tamashalaı almasa da, tilshiler ózderi halyqtyń aldyna baryp jańalyq taratyp júrgen kórinedi. Búginde Venesýela jýrnalıseri avtobýs jolaýshylaryna ózderi baryp, aqparat taratyp júr.

«Qaıyrly kún, nazarlaryńyzǵa «El Býs TV» jańalyqtaryn usynamyz», - degen sózdi Venesýela qalalarynyń avtobýstarynan endigi jıi estýge bolady.

El Bus TV – kádimgi tiri televıdenıe. Eshqandaı monıtordyń, dekorasıanyń qajeti joq. Teledıdar beınesindegi jıektemeni ustap alǵan eki adam qoǵamdyq kólikterdi aralap, memlekettik telearnalar jasyryp qalǵan aqparatty halyqqa taratyp júr.

Jýrnalıserdiń maqsaty – prezıdenttiń halyqpen sanaspaı sheshim qabyldaıtyny, sondaı-aq qalalarda ótip jatqan mıtıńiler jaıynda halyqty habardar etý.