Reseı prezıdenti Vladımır Pýtın Reseıdegi amerıkalyq dıplomattardyń sany 755 adamǵa deıin qysqaratynyn málimdedi. Mısıa shtatyndaǵy qyzmetkerlerdiń sany AQSH-taǵy reseılik dıplomatıalyq mısıasy shtatynynyń sanymen teń – 455 adam bolmaq, dep jazady Qamshy.kz aqparat agenttigi.

VGTRK arnasyna bergen suhbatynda prezıdent dıplomattar men tehnıkalyq qyzmetkerler jóninde aıtyp turǵanyn habarlady. Pýtınniń sózine qaraǵanda, atalmysh sheshim AQSH Kongresiniń antıreseılik sanksıalaryna jaýap retinde qabyldanǵan.

Sondaı-aq, Reseı basshysy AQSH-qa qatysty ózge shekteý sharalary qoldanylmaıtynyn, onyń saldary halyqaralyq qatynastardyń damýyna keri yqpalyn tıgizýi múmkin ekenin de aıtty.

Pýtın eki el arasyndaǵy qarym-qatynas jaqyn arada ońala qoımaıtynyn da málim etti. Alaıda terorızm men jappaı qarý-jaraqtyń taralýymen kúres syndy salalarda seriktestikti jalǵastyrý asa qajet ekenin eskerdi.