QR SİM KHDR-dyń balıstıkalyq zymyran ushyrýyna qatysty málimdeme jasady

/uploads/thumbnail/20170731111026391_small.jpg

Qazaqstan Respýblıkasy 2017 jylǵy 28 shildedegi Koreı Halyq-Demokratıalyq Respýblıkasynyń balıstıkalyq zymyrandy ushyrýyn batyl aıyptaıdy, dep habarlaıdy Qamshy.kz aqparat agenttigi QR SİM baspasóz qyzmetine silteme jasap.

 Mundaı-is-áreketter BUU Qaýipsizdik Keńesiniń qararyn óreskel buzýshylyq bolyp tabylady, álemge qaýip tóndiredi jáne Shyǵys Azıa óńirinde jáne jahandyq aýqymda jaǵdaıdy ýshyqtyrady.

QHDR-nyń jaýapsyz saıasaty ıadrolyq qarýsyzdanýdyń jahandyq prosesine keri áser etedi, bolashaq ıadrosyz ǵalamshardy qamtamasyz etý jónindegi ujymdyq kúsh-jigerge zıan keltiredi. QHDR-dy óz halqynyń qaýipsizdigi men damýy, sondaı-aq búkil adamzattyń ıgiligi úshin ıadrolyq menmendikten bas tartýǵa tabandy túrde shaqyramyz.

QHDR-dyń zymyrandyq jáne ıadrolyq baǵdarlamasynyń qaýpi búkil múddeli taraptarǵa kelissózder prosesin jedel túrde qaıta bastaý arqyly ózara tıimdi sheshimdi izdestirý jónindegi kúsh-jigerdi jandandyrýdy talap etedi. Qalyptasqan jaǵdaıdan shyǵý Soltústik Koreıa bıliginiń arandatýshylyq is-áreketterinen týyndaǵan problemany kúshpen emes, naq kelissózder arqyly sheshýge bolady dep esepteımiz.

Pikir qaldyrý

Qatysty Maqalalar