AQSH prezıdenti Donald Tramp Soltústik Koreıanyń balıstıkalyq zymyran ushyrýyna qatysty Japonıamen jáne Ońtústik Koreıamen shuǵyl dıplomatıalyq keńes ótkizdi, dep habarlaıdy Qamshy.kz aqparat agenttigi golos-ameriki-ge silteme jasap.

Dúısenbi kúni Tokıo ýaqytymen tańerteń  Tramp premer-mınıstr Sındzo Abemen telefon arqyly sóılesti. Abe jýrnalıserge AQSH prezıdenti de ózi de KHDR-ge qatysty shara qoldanýǵa keliskenin habarlady.

AQSH ókilderi Tramptyń eńbek demalysynda júrgen Ońtústik Koreıa prezıdenti Mýn Chje Inmen de baılanysýǵa tyrysqanyn málimdedi.

Abeniń aıtýynsha, Japonıa men AQSH qorǵanys jáne halyqtyń qaýipsizdik júıesine jaýap beretin naqty qadamdardy jasamaq.

Aıta keteıik, buǵan deıin Phenán jańa zymyrannyń synalýy Vashıngton men onyń jaqtastaryna eskertý degendi aıtqan.

AQSH-tyń BUU-daǵy ókili Nıkkı Heılı Vashıngtonnyń Qaýipsizdik Keńesiniń kezekten tys shaqyrylymyn uıymdastyrýyn talap etip otyrǵanyn aıtty.