Barselonada betperde kıgen  4 belgisiz er adam týrıser mingen avtobýsqa shabýyl jasady, dep jazady Qamshy.kz aqparat agenttigi The Daily Mail málimetine súıenip.

Basylymnyń málimetine súıensek, qaraqshylar avtobýs Kamp Noý stadıonyna toqtaǵan kezde shabýyl jasaǵan.

«Betperde kıgen adamdar avtobýsty qorshap aldy. Biz sol sátte aıǵaıǵa bastyq. Avtobýstyń ishinde otyryp pyshaq pen sýyq qarý ustaǵan qaraqshylardyń kirip keletinine senimdi boldyq. Olardyń tek graffıtı salyp ketkeni adamdy qýantady. Alaıda sol sátte bizdiń boıymyzdy alapat úreı bıledi» deıdi avtobýsta bolǵan týrıserdiń biri.

Shabýyl jasaǵandar avtobýstyń áınegin oıyp, «Týrızm aýdandardy búldiredi» dep jazyp ketken.

Málimetter boıynsha, shabýyl jasaǵandar Ispanıanyń «oıyn-saýyq saıabaǵyna» aınalýyna qarsy turǵyndar.