AQSH prezıdenti Donald Tramptyń ákimshiligi Qytaıǵa qarsy birqatar sharalardy qolǵa aldy dep habarlaıdy Qamshy.kz aqparat agenttigi The New York Times gazetine silteme jasap.

Qytaı óz eli aýmaǵynda ıntellektýaldyq menshik quqyǵy men amerıkandyq kompanıalardyń qyzmetin shekteýge baılanysty birneshe shara qabyldady. Tramp Qytaıdyń KHDR ıadroly qarý tóńiregindegi baǵdarlamany boldyrmaý jolyndaǵy áreketsizdigi saldarynan, bastapqy kezdegi Pekınmen qarym-qatynasty nyǵaıtý týrasyndaǵy baǵytyn ózgertpek.

Tramp ákimshiligi Qytaı taýarlaryna salynatyn baj salyǵy men qyzmet kórsetýdi birden qymbattatady. Budan bólek basqa da sharalardy qoldanbaq.

AQSH-tyń Senat Kongresindegi demokrattardyń kóshbasshysy Charlz Shýmer seısenbi kúni Trampqa hat joldady. Onda Qytaıdyń AQSH-taǵy kelisim-shartyn shekteýdi suraǵan.

Buǵan deıin Tramp Qytaıdy Soltústik Koreıanyń ıadroly qarý jasaýyna eshqandaı áreket etpegenin qatań synǵa alǵan.

«Qytaıdan kóńilim qaldy» dep jazdy AQSH prezıdenti óziniń Twitter paraqshasyna.