Ázirbaıjannyń «Mýsavat» atty bedeldi basylymynda EXPO-2017 kórmesine qatysty reportaj jaryq kórdi, dep jazady Qamshy.kz aqparat agenttigi.

24.kz portalynyń málimetine súıensek, álem kóz tikken bul shara Mılanda ótken EXPO-men salystyrylǵan. Nátıjesinde, Qazaqstannyń óte tyńǵylyqty daıyndalǵany jan-jaqty jazylǵan. Ásirese kórmedegi temirdeı tártip pen qaýipsizdik, eriktilerdiń jumysy, tyń tehnologıalar kóptiń kóńilinen shyqqany basa aıtylǵan. Avtor kórmege aǵylǵan halyqtyń sanynda shek joq ekendigine erekshe toqtalǵan.

Osy oraıda sheteldikter energıaǵa qatysty bastamalarǵa barynsha mán berip, paıdaly ıgilikterdi ıgerýge kóńil bólip otyrǵany da jazylǵan. Bul rette memleket kún men jel jáne bıologıalyq resýrstardy negizge alǵan. Osynyń barlyǵyn kózben kórý úshin kórmege barǵan jón dep atap ótilgen basylymda. Avtor qalanyń qaı buryshynan kóz tastasań da, menmuńdalap turǵan Qazaqstannyń ulttyq pavılonynyń shoqtyǵy bıik ekendigin erekshe sıpattaǵan.