Makedonıa men Bolgarıa 1 tamyzda eki el arasyndaǵy burynǵy alaýyzdyqtarǵa núkte qoıyp, dostyq jóninde kelisimge qol qoıdy, dep habarlaıdy Qamshy.kz aqparat agenttigi. Kelisim Makedonıanyń Eýropalyq odaqqa múshe bolýyna múmkindikti arttyrady.

Makedonıanyń shyǵystaǵy kórshisimen buǵan deıingi ara-qatynasy eldiń NATO men EO quramyna kirýine kedergi keltirgen. Eki memleketti dinı, tarıhı jáne tildik qatynastar baılanystyrǵanymen, Bolgarıa makedonıalyq tildi bolgar tiliniń dıalektisi dep moıyndamaı kelgen.

El astanalary Skope men Sofıa jańa kelisiminiń aradaǵy alaýyzdyqty joıatynyna senimdi. Dostyq jónindegi kelisim «eki el arasyndaǵy jáne búkil aımaqtaǵy saıası qarym-qatynastardy turaqtandyrýǵa múmkindik beredi» dedi Makedonıanyń premer-mınıstri Zoran Zaev Bolgarıa premer-mınıstri Boıko Borısovpen kelisimge qol qoıý barysynan keıin.

Kelisimge sáıkes, NATO men EO quramynda burynnan bar Bolgarıa endi Makedonıanyń da atalmysh uıymdarǵa múshe bolýy úshin qoldaý tanytatyn bolady. Eki memleket te ekonomıkalyq baılanysty nyǵaıtyp, aýmaqtyq narazylyqtardan bas tartatynyn málimdedi.