9 qyrkúıek kúni Astana qalasynda ótetin boks keshinde sharshy alańǵa shyǵatyn qazaqstandyq boksshy Janqosh Turarovtyń qarsylasy belgili boldy, dep habarlaıdy Qamshy.kz  aqparat agenttigi vesti.kz-ke silteme jasaı otyryp.

Qazaqstandyq boksshynyń qarsylasy argentınalyq Brýno Leonardo Rome bolady. Ol kásipqoı boks sharshy alańynda 25 kezdesý ótkizip, 21 kezdesýinde jeńiske jetken. Sońǵy ret 29 jastaǵy argentınalyq boksshy sharshy alańǵa 14 mamyr kúni shyǵyp, otandasy Alehandro Kýhorskıdi nokaýtpen jeńgen. 

Janqosh Turarov bolsa kásipqoı boksta 21 kezdesý ótkizip, barlyǵynda jeńiske jetken. 15 kezdesýinde otandasymyz qarsylasyn nokaýtqa túsirgen. 

Aıta keteıik, Janqosh Turarov pen Brýno Leonardo Rome arasyndaǵy kezdesý 10 raýndqa josparlanyp otyr.