Eýropalyqtar kúnniń qatty ysýynan  zardap shegýde. Aýa temperatýrasy Ortalyq, Shyǵys jáne Batys Eýropa elderinde joǵarylap, Fransıa men Italıada sýdyń jetispeýshiligi beleń aldy, dep jazady Qamshy.kz aqparat agenttigi segodnya.ua málimetine súıenip.

Fransıa jerinde ornalasqan Korsık aralynda aýa temperatýrasy 42 gradýs Selsıa. Bul kórsetkish túngi ýaqytta 30 gradýsqa deıin tómendeıdi.

Jergilikti jerdiń medısına qyzmetkerleri men órt sóndirýshileri tótenshe jaǵdaıǵa daıyn otyr.

Zardap shegip otyrǵandardyń arasynda Italıa da bar. 27 qalasyndaǵy aptap ystyq saldarynan Italıa qaýiptilik jaǵynan «qyzyl deńgeıdi» kórsetip tur.  Sonymen qosa, qurǵaqshylyq  egin alqaptaryn zaqymdaǵan.

Emılıa-Romaná men Toskana aýdandarynda sý tapshylyǵynan birneshe aýyl sharýashylyq jerleri zaqymdanyp, 2 mlrd. evro shyǵyn kelgen.

Vatıkandaǵy qasıetti Petr alańynda fontandar óshirilgen. Vatıkan ony sýdy únemdeý úshin birinshi ret óshirip tur.