QR Prezıdenti N.Á.Nazarbaev: «Qazaq tilin latyn árpine kóshirý – bul ana tilimizdiń jahandyq ǵylym men bilimge kirigýin, rýhanı tutastyǵyn qamtamasyz etetin biregeı qadam», - degen edi. Qazirgi kezde latyn grafıkasyna kóshýge qatysty jumystarǵa A.Baıtursynuly atyndaǵy Til bilimi ınstıtýty basshylyq etedi. Lıngvıs, kompúterlik baǵdarlama daıyndaıtyn mamandar, fılolog ǵalymdar men sarapshylardan quralǵan arnaıy komısıa jasaqtaldy. Latyn jazýyna kóshýge baılanysty baspasóz betinde jarıalanǵan, tıisti oryndarǵa kelip túsken túrli jobalar saraptamadan ótkizilýde dep jazady Qamshy.kz aqparat agenttigi.
Bul týraly «QazTalks» ashyq áńgime alańynda A.Baıtursynuly atyndaǵy Til bilimi ınstıtýtynyń dırektory Erden Qajybek málimdedi.
− Bıyl Astanada ótken álemniń 35 memleketinen 380 delegat, sondaı-aq Almaty men Astana qalalarynan, elimizdiń óńirlerinen 300-den astam ókil qatysqan Dúnıejúzi qazaqtarynyń IV quryltaıynda da jahandaný zamanynda qandastarymyz Atajurtynan tamyry úzilip qalmasy úshin latyn jazýyna kóshý máselesine baıyppen qarap, tezdetý kerektigin atap kórsetti. Elbasymyz qazaqtar burynǵy KSRO aýqymynda, TMD aýmaǵynda kırıllısa, Qytaıdaǵy qandastarymyz tóte jazý, batys elderindegi baýyrlarymyz latyn árpin qoldanyp kele jatqanyn, sóıleskende tilimiz bir bolǵanymen, oqyǵanda tilimiz úsh túrli ekenin, bir-birimizdi túsine almaı, jazýyn uqpaı júrgenimizdi eskerte otyryp, bul jer júzine tarydaı shashylǵan qazaqtyń keıingi urpaǵyn bir-birinen alystatatynyn, jazýymyzdy ǵylym men tehnıkaǵa úılestirý úshin de latyn grafıkasynyń ońtaıly bolatynyn aıtty dedi,- Erden Qajybek.
Latyn jazýyna kóshýdiń birneshe obektıvti sebepterin spıker túsindirdi:
- Qazaq halqynyń ulttyq biregeıligi qalyptasady
- Álemdik aqparat keńistigine enýge múmkindik beredi
- Qazaqstanda aqparattyq jáne komýnıkasıalyq tehnologıalardyń keńinen taralýyna múmkindik beredi ,- dedi.
Sonymen qatar, álemdik tájirıbe kórsetkendeı damyǵan elderdiń deni latyn áripin qoldanyp keledi.
Pikir qaldyrý