Qazaqstandyq kásipqoı boksshy Isa Aqberbaev Reseı jerinde ótken jekpe-jeginde ýkraınalyq Iýrıı Barashándi jeńdi dep habarlaıdy Qamshy.kz aqparat agenttigi vesti.kz-ke silteme jasaı otyryp. 

Reseıdiń Sochı qalasynda aýyr salmaqta WBA Asia West belbeýi úshin ótken jekpe-jekte 33 jastaǵy qazaqstandyq boksshy qarsylasy ýkraınalyq Iýrıı Barashándi ekinshi raýndta tehnıkalyq nokaýtpen jeńdi.

WBA Asia West belbeýi Azıa elderi jáne solarǵa jaqyn ornalasqan memleketter arasynda oınatylady.

Isa Aqberbaev kásipqoı boksta barlyǵy 20 jekpe-jek ótkizdi. Onyń 19-ynda jeńiske jetse, bireýi ótpeı qaldy. Al ýkraınalyq 37 jastaǵy bylǵary qolǵap sheberi 28 jekpe-jekte qarsylasynan basym tússe, osymen 10-kezdesýinde jeńilis tapty.