Fılıppın elinde bokstan jasóspirimder arasynda ótip jatqan Azıa chempıonatynda qazaqtyń 10 oǵylany shırek fınalǵa ótti, dep habarlaıdy Qamshy.kz aqparat agenttigi QazAqparatqa silteme jasap.

Jarystyń úshinshi kúni sharshy alańǵa alty boksshymyz shyǵyp, tórteýi básekeni ary qaraı jalǵastyrýǵa múmkindik alsa, onyń ekeýi ǵana qarsylastaryna jol berdi.

57 keli salmaqta synǵa túsken otandasymyz Dmıtrıı Varmın úndistandyq boksshydan 4:1 esebimen, 66 keli salmaqtaǵy taǵy bir jerlesimiz Sálimgereev Sálimjan japonıalyq boksshydan 5:0 esebimen utylyp qaldy.

Al 50 keli salmaqta óner kórsetken Talǵat Syrymbetov qarsylasyn ýaqytynan buryn utsa, 60 kelide synǵa túsken órenimiz Bekzat Erimbet ırandyq qarsylasyn jarys jolynan shyǵardy. 46 kelide judyryqtasqan Aqylbek Muhtarov qyrǵyzstandyqtan aılasyn asyrsa, 54 kelide el namysyn qorǵap júrgen Aıtjan Áshirhan Mońǵolıa boksshysyn 5:0 esebimen tize búktirdi.

Osylaısha Azıa chempıonatynyń úsh kúndik qorytyndysy boıynsha shırek fınalǵa Qazaqstan men Ózbekstannan 10 boksshydan shyǵyp, kósh bastap keledi.

Esterińizge sala keteıik, osyǵan deıin «Saryqurlyq» dodasyn qazaq boksshylary sátti bastaǵanyn aıtqan bolatynbyz.