Ýkraınanyń Bilim mınıstrliginde habarlanǵandaı, eldegi 70% mektepter orys tilinen bas tartyp otyr. Ártúrli aýdandarynda orys tilindegi arnaıy synyptar jabylyp, ýaqyttyń kóp bóligin aǵylshyn tiline aýdarýdy kózdep otyr. Bul týraly Qamshy.kz aqparat agenttigi news.rambler.ru málimetine súıenip habarlaıdy.

Ýkraınadaǵy mektepterdiń basym kópshiligi orys tilinde bilim beredi. Osydan 3 jyl buryn orys tilinde eldegi 17 myńǵa jýyq mektepter sabaq júrgizgen.

Eldegi Bilim mınıstrligi mamandarynyń aıtýynsha, bul sheshimdi ata-analar aǵylshyn tiline kóbirek ýaqyt bólý úshin qabyldap otyr.

Jergilikti bılik ókilderi de bul sheshimniń durys ekenin aıtyp, quptaýda. Ýkraın tilin meńgerý bolashaqta balalardyń ózderine kerek ekenin aıtýda. Ýkraınanyń Hersonsk aýdanynda 26 mektep orys tilinen bas tartyp, ýkraın tilinde sabaq júrgizýdi bastady.

Hersonsk aýdany Bilim bóliminiń basshysy Evgenıı Krınıskııdiń aıtýynsha, keleshekte barlyq mektepter ýkraın tiline aýysady. Aldaǵy ýaqytta birinshi synypqa tek ýkraın tilinde oqytý úshin balalardy qabyldamaq.

Ýkraınanyń Bilim mınıstrliginiń jańa baǵdarlamasy boıynsha alǵashqy jumystar júrgizilip jatyr. 7-9 synyp oqýlyqtarynan Lev Tolstoı men Fedor Dostaevskııdiń romandary alynyp tastaldy.

Aıta ketsek, 2014 jyly Ýkraınada orys tiliniń mártebesi ózgeshe bolatyn. Arnaıy orys tilin oqytatyn ortalyqtar, orys tilindegi arnaıy mektepter ashyldy, orys tilinde kitaptar basylyp shyqty, jańa fılmder orys tilinde kórsetile bastady. Shyǵys Ýkraına men Qyrym halqy ýkraın tiline qaraǵanda orys tilin jaqsy meńgergen. Onyń sebebi, barlyq qujattar orys tilinde júrgizilgen.