Ózbekstan prezıdenti Shavkat Mırzıeev 60 jasqa tolǵan shaǵynda Baıtqorǵan aýylyndaǵy jańa rezıdensıaǵa kóshti. Bul týraly Ózbekstan Azattyq redaksıasy habarlady.

Shavkat Mırzıeevtiń jańa rezıdensıasy Tashkent oblysynyń tabıǵaty kórkem aýmaǵynda, Chırchık ózeniniń jaǵalaýyndaǵy Kıbraı aýdany Baıtqorǵan aýyly Kanglı kóshesinde ornalasqan.

Kıbraı aýdanynyń sheneýnigi (esimi berilmegen) málim etkendeı, rezıdensıanyń qurylysyn prezıdent ákimshiliginiń basshysy Oıbek Tursynov basqarady. Al Oıbek Tursynov – Shavkat Mırzıeevtiń kúıeý balasy.

Radıo Ozodlık portalynyń málimetine súıensek, rezıdensıanyń ashylý rásimi 24 shilde kúni, ıaǵnı Shavkat Mırzıeevtiń týǵan kúnine sáıkes keledi. Baıtqorǵan aýylynyń turǵyndary sol kúni rezıdensıaǵa jaqyn aýmaqta otshashý bolǵanyn aıtty.

Rezıdensıa qyzmetkerleriniń aıtýynsha, is shara barysynda Ózbekstan prezıdentiniń týǵan kúnine oraı Reseıden birneshe juldyzdar shaqyrylǵan. Rezıdensıanyń qurylysy júrip jatqan aımaq 4 metr bıiktiktegi qabyrǵamen qorshalǵan. Reporterdiń aıtýynsha, rezıdensıanyń qurylysy bastalmaı jatyp Baıtqorǵan aýlynda ondaǵan úı qıratylǵan, kósheler keńeıip, aınalasyna arshalar egildi.

Jańa rezıdensıa Mırzıeevtiń jumys ornynan 26,5 shaqyrym qashyqtyqta ornalasqan.

Ozodlık Radıosynyń málimetinshe, rezıdensıanyń qurylysyna atsalysqan ınjener qurylysqa eń qymbat ári eksklúzıvti qurylys materıaldarynyń ketkenin aıtty:

«Rezıdensıanyń ishki bóligi Argentınadan ákelingen mármár tastarmen kómkerilgen. Bir sharshy metri 500 dollar turady. Sondaı-aq Swarovski krıstaldary paıdalanylǵan. Ǵımarat eń sońǵy úlgide ásemdelgen», – dedi ınjener jýrnalıspen tildesý barysynda. Tipti,iri mármár tastardy tikushaqpen tasyǵan kórinedi.

Rezıdensıa qurylysy bastalmaı jatyp, aýldyń birneshe úıi qıratylǵan. Bul proseske aýyl turǵyndary áste narazy boldy. Sebebi Baıtqorǵanda úıler jıi qıratylady. Alaıda jańa úıler berilmegen. Turǵyndar ákimshilikke aryz túsirgenimen, nátıjesi baıqala qoımady. Baıtqorǵandyqtar qurylys saldarynan shyǵatyn shý men qorshalǵan qabyrǵaǵa narazy ekenderin jetkizgen.

Kıbraı aýdany ákimshiliginiń habarlaýynsha, rezıdensıa úshin qıratylǵan úıdiń shyǵyny retinde qyrkúıekte turǵyndarǵa kotejderdiń kilti tabystalady.

Ózbekstannyń alǵashqy prezıdenti Islam Kárimovtiń qazasynan keıin oǵan tıesili «Oksaraı» rezıdensıasy men «Kýksaroı» jáne «Dýrmen» qala syrtyndaǵy rezıdensıalar bosap qalǵan.

Shavkat Mırzıeev prezıdent bolyp saılanǵan soń «Oksaraı» rezıdensıasyna kóshýdi oılamaǵan. Senat ǵıamaratynda jumys istep keldi. Tashkenttegi Karasýv-2 turǵyn úı kesheninde turdy. 24 shildeden bastap Ózbekstan prezıdenti Baıtqorǵan aýylyndaǵy jańa rezıdensıada turady.

Ózbekstan prezıdenti Shavkat Mırzıeev 60 jasqa tolǵan shaǵynda Baıtqorǵan aýylyndaǵy jańa rezıdensıaǵa kóshti. Bul týraly Ózbekstan Azattyq redaksıasy habarlady.

Shavkat Mırzıeevtiń jańa rezıdensıasy Tashkent oblysynyń tabıǵaty kórkem aýmaǵynda, Chırchık ózeniniń jaǵalaýyndaǵy Kıbraı aýdany Batqorǵan aýyly Kanglı kóshesinde ornalasqan.

Kıbraı aýdanynyń sheneýnigi (esimi berilmegen) málim etkendeı, rezıdensıanyń qurylysyn prezıdent ákimshiliginiń basshysy Oıbek Tursynov basqarady. Al Oıbek Tursynov – Shavkat Mırzıeevtiń kúıeý balasy.

Radıo Ozodlık portalynyń málimetine súıensek, rezıdensıanyń ashylý rásimi 24 shilde kúni, ıaǵnı Shavkat Mırzıeevtiń týǵan kúnine sáıkes keledi. Baıtqorǵan aýylynyń turǵyndary sol kúni rezıdensıaǵa jaqyn aýmaqta otshashý bolǵanyn aıtty.

Rezıdensıa qyzmetkerleriniń aıtýynsha, is-shara barysynda Ózbekstan prezıdentiniń týǵan kúnine oraı Reseıden birneshe juldyzdar shaqyrylǵan. Rezıdensıanyń qurylysy júrip jatqan aımaq 4 metr bıiktiktegi qabyrǵamen qorshalǵan. Reporterdiń aıtýynsha, rezıdensıanyń qurylysy bastalmaı jatyp Baıtqorǵan aýlynda ondaǵan úı qıratylǵan, kósheler keńeıip, aınalasyna arshalar egildi.

Jańa rezıdensıa Mırzıeevtiń jumys ornynan 26,5 shaqyrym qashyqtyqta ornalasqan.

Ozodlık Radıosynyń málimetinshe, rezıdensıanyń qurylysyna atsalysqan ınjener qurylysqa eń qymbat ári eksklúzıvti qurylys materıaldarynyń ketkenin aıtty:

«Rezıdensıanyń ishki bóligi Argentınadan ákelingen mármár tastarmen kómkerilgen. Bir sharshy metri 500 dollar turady. Sondaı-aq Swarovski krıstaldary paıdalanylǵan. Ǵımarat eń sońǵy úlgide ásemdelgen», – dedi ınjener jýrnalıspen tildesý barysynda. Tipti, iri mármár tastardy tikushaqpen tasyǵan kórinedi.

Rezıdensıa qurylysy bastalmaı jatyp, aýyldyń birneshe úıi qıratylǵan. Bul proseske aýyl turǵyndary áste narazy boldy. Sebebi Baıtqorǵanda úıler jıi qıratylady. Alaıda jańa úıler berilmegen. Turǵyndar ákimshilikke aryz túsirgenimen, nátıjesi baıqala qoımady. Baıtqorǵandyqtar qurylys saldarynan shyǵatyn shý men qorshalǵan qabyrǵaǵa narazy ekenderin jetkizgen.

Kıbraı aýdany ákimshiliginiń habarlaýynsha, rezıdensıa úshin qıratylǵan úıdiń shyǵyny retinde qyrkúıekte turǵyndarǵa kotejderdiń kilti tabystalady.

Ózbekstannyń alǵashqy prezıdenti Islam Kárimovtiń qazasynan keıin oǵan tıesili «Oksaraı» rezıdensıasy men «Kýksaroı» jáne «Dýrmen» qala syrtyndaǵy rezıdensıalary búginde qańyrap tur.

Shavkat Mırzıeev prezıdent bolyp saılanǵan soń «Oksaraı» rezıdensıasyna kóshýdi oılamaǵan. Senat ǵımaratynda jumys istep keldi. Tashkenttegi Karasýv-2 turǵyn úı kesheninde turdy. 24 shildeden bastap Ózbekstan prezıdenti Baıtqorǵan aýylyndaǵy jańa rezıdensıada turady.