Qazaqstan Ulttyq banki 2017 jylǵy shildedegi ınflásıalyq prosester jáne ınflásıalyq kútýler týraly jarıalady dep habarlaıdy Qamshy.kz aqparat agenttigi.

2017 jylǵy shildede ınflásıa aılyq kórsetkish boıynsha 0,1% deńgeıinde qalyptasty, bul sońǵy eki jylda, ıaǵnı ınflásıalyq targetteý rejımine ótken kezden bastap eń az mánde bolyp otyr. 7 aıda ınflásıa 3,8% boldy jáne ótken jylǵy osyndaı kezeńdegi kórsetkishten (5,2%) tómen bolyp qalyp otyr.

Jyldyq ınflásıa shildede 7,1%-ǵa deıin tómendedi, bul azyq-túlik naryǵyndaǵy ahýaldyń turaqtanýyna sebepshi boldy. Jyldyq ınflásıa 2017 jylǵa belgilengen 6-8% dálizi sheginde tur.

Jyldyq kórsetkishtegi bazalyq ınflásıanyń kórsetkishi ınflásıa aıasynyń birtindep jaqsarýyn kórsete otyryp, óziniń 6,7%-ǵa deıin tómendeýin jalǵastyrdy.

Shildede halyqtyń ınflásıany qabyldaý jónindegi aı saıynǵy pikirterimi respondentterdiń jaýaptaryn bólýde azdaǵan aýytqýlar kezinde ınflásıalyq kútýlerdiń turaqty bolatynyn kórsetip otyr.

Ótken aıdaǵy baǵanyń ósýin pikirterimge qatysýshylardyń kópshiligi (43%) qalypty retinde qabyldady, al ony kúshti dep baǵalaǵan respondentterdiń sany odan 10 paıyzdyq tarmaqqa az. Halyqtyń baǵanyń ósýin baǵalaýy sońǵy 12 aıda is júzinde ózgergen joq.

Kelesi aıda baǵa serpininiń qalypty ósýin jáne tómendeýin kútetin halyqtyń úlesi ulǵaıdy. Kelesi 12 aı boıy baǵanyń ósýin kútetinder arasynda ósý qarqynynyń aǵymdaǵy deńgeıde saqtalatyndyǵy týraly pikir basym (úlesi 36,3%-dan 38,9%-ǵa deıin ulǵaıdy).

2017 jylǵy shildede «Sizdiń pikirińizshe, jalpy alǵanda baǵalar kelesi 12 aıda qalaı ózgeredi?» degen suraqqa berilgen jaýaptardyń derekteri boıynsha ınflásıanyń aldaǵy bir jylǵa eseptelgen sandyq baǵasy halyqtyń ınflásıalyq kútýleriniń 2018 jylǵa arnalǵan nysanaly dáliz sheginde bolýyn (5-7%) rastaıdy jáne 6,4%-dy quraıdy.