Adamnyń saýlyǵy - qoǵamnyń baılyǵy. Osy oraıda elimizde densaýlyq saqtaý salasyn damytýdyń 2016-2019 jyldarǵa arnalǵan memlekettik  «Densaýlyq» baǵdarlamasy engizilgen bolatyn.

 «Densaýlyq» baǵdarlamasy - densaýlyq saqtaý salasyna engizilgen «Salamatty Qazaqstan» memlekettik  baǵdarlamasynyń zańdy jalǵasy ispettes. Adamnyń ómir súrý uzaqtyǵyn arttyrýdy maqsat tutqan .bul baǵdarlamanyń nátıjesin óńir turǵyndary da kórip otyr. Oblystyq densaýlyq saqtaý basqarma basshysynyń orynbasary Nurdanat Berkinǵalıdiń málimetinshe, 2017 jyldyń jeti aıynda ana ólimi tirkelmegen. Jalpy ólim-jitim 6,5 %-ǵa, náreste ólimi 6,3%–ǵa, qan aınalym júıesi aýrýlarynan ólim-jitim  6,2%-ǵa, týberkýlezben syrqattanýshylyq 4,2 %-ǵa, týberkýlezden ólim-jitim 12,5%-ǵa tómendegen. Densaýlyq saqtaý salasynyń bıylǵy oblystyq búdjeti 15 594 379,0 myń teńgeni qurap otyr. Medısına uıymdaryn materıaldyq-tehnıkalyq jaraqtandyrýǵa 1,6 mlrd. teńge somada qarajat (76 birlik medısınalyq tehnıka, 10 sanıtarlyq aýtokólik, aýdandyq medısına uıymdary úshin 636 birlik kompúterlik tehnıka t.b)  qarastyrylǵan. Sondaı-aq adam ómiri men densaýlyǵyna qaýip tóngende ómirin saqtap qalý úshin qalalyq jedel járdem stansıasynda 94, sanıtarlyq avıasıada jeti  aýtokólik pen bir birlik   «AN-2» sanıtarlyq ushaǵy  qyzmet kórsetýde. Brıgadalar dıspecherlik qyzmetpen jáne stasıonarlardyń qabyldaý bólimderimen skaıp jáne IP-telefonıa arqyly baılanys ornatýǵa arnalǵan planshettermen jabdyqtalǵan. Jedel medısınalyq járdem brıgadasy táýligine 24 saǵat boıy qyzmet etedi. Ortasha eseppen jedel járdem qyzmetine táýligine shamamen 500 shaqyrtý túsedi eken. Sonyń ishinde 36%-y, ıaǵnı 180-i balalarǵa shaqyrtýlar. Barlyq jedel járdem shaqyrtýlarynyń 20%-y qalalyq emhanalar janyndaǵy jedel kómektiń deńgeıinde atqarylyp, jedel shaqyrtýlar túgel qamtylady. Oblysta travmatologıa, kardıologıa, kardıohırýrgıa, oftalmologıa, neırohırýrgıa, onkologıa, gınekologıa boıynsha joǵary tehnologıalyq medısınalyq qyzmetterdiń 65-ten astam túri kórsetilýde.

Gúlim AQAP,

Batys Qazaqstan oblysy