Elbasy «Ult jospary – «100 naqty qadam» baǵdarlamasynda bilim berýdi damytý máselelerine baılanysty birqatar tapsyrmalar bergen bolatyn. 

«Bilim týraly» Qazaqstan Respýblıkasynyń Zańyna jáne Qazaqstan Respýblıkasy Úkimetiniń 2008 jylǵy 25 qańtardaǵy № 64 qaýlysyna sáıkes jergilikti atqarýshy organdary Qazaqstan Respýblıkasynyń zańnamasynda kózdelgen tártippen bilim alýshylardyń jekelegen sanattaryn (onyń ishinde jetim balalarǵa, ata-anasynyń qamqorlyǵynsyz qalǵan balalarǵa, tótenshe jaǵdaılardyń saldarynan shuǵyl járdemdi talap etetin otbasylardan shyqqan balalarǵa jáne t.b.) tegin jáne jeńildikpen tamaqtandyrýdy uıymdastyrady dep habarlaıdy Qamshy.kz aqparat agenttigi.

JAO-nyń aqparaty boıynsha 2017-2018 oqý jylynda ystyq tamaqtandyrýdy 6073 mektepte nemese mektepterdiń 87,2%-da (salystyrý úshin: 2016-2017 oqý j.- 85,5%) 2 651 732 bilim alýshylar úshin nemese bilim alýshylardyń 94,8%-na (salystyrý úshin: 2016-2017 oqý j. 84,3%) uıymdastyrý josparlanýda.

Tegin ystyq tamaqtandyrýdy jekelegen sanattardyń 248 685 bilim alýshylaryn nemese bilim alýshylardyń 100%-yn (salystyrý úshin: 2016-2017 oqý j.- 100%) qamtamasyz etý josparlanýda.

Barlyǵy jergilikti búdjetterdiń esebinen tegin ystyq tamaqtandyrýmen 463 026 mektep oqýshylary nemese 17,4% (salystyrý úshin: 2016-2017 oqý j. 477 112 nemese 18%) jáne 8 636 bala, onyń ishinde áleýmettik turǵydan álsiz otbasylardan shyqqan balalar men bastaýysh synyp oqýshylar tegin býfettik tamaqtandyrýmen qamtyldy.

Qalǵan oqýshylardyń mektepte tamaqtandyrylýyn jergilikti atqarýshy organdar ata-analar esebinen uıymdastyrady («Bilim týraly» QRZ 6-b.).

Respýblıkanyń 3 aımaqtarynda ákimderdiń bastamasymen tegin ystyq tamaqtandyrý bastaýysh synyptardyń barlyq oqýshylary úshin uıymdastyryldy (Astana qalasy, Atyraý, Batys Qazaqstan oblysy).

Aıta keteıik, qazirgi kezde 2017 jylǵy İ jartyjyldyqqa arnalǵan Úkimettiń josparyna sáıkes JAO birlese otyryp, 1-synyptardyń oqýshylaryn tegin mekteptik tamaqtandyrýmen qamtamasyz etý máselesi pysyqtalýda. Aldyn ala usynylǵan derekter boıynsha osy tapsyrmany oryndaý úshin 1-synyptardyń oqýshylaryn tegin mekteptik tamaqtandyrýmen boljamdy qamtylýy 2019 jylǵa qaraı 54%-dan astam nemese 216 756 balany (2017-2018 oqý j. – 34%, 2018-2019 oqý j. – 50,5%) quraıdy.