Irak áskerleri óz jerin DAISH terorıstik uıymynyń jaýyngerlerinen 2 aıda tazarta alady. Bul týraly Izvestıa basylymyna Reseıdegi Irak elshisi Haıdar Hadı aıtty, dep habarlaıdy Qamshy.kz aqparat agenttigi.

«Iraktaǵy terrorısterdiń sany tym az. Olardyń qashyp qutylatyn jeri de qalmady. Sol sebepti sońyna deıin kúresýden basqa amaldary joq», – dedi elshi. – Terrorıster qonystanǵan aımaqtarda qozǵalys barysy údeı tústi. Bul – DAISH-tyqtardyń rýhyn túsiredi. Jeńiske jetýge kem degende 2 aı qaldy dep aıta alamyn».

Dıplomattyń aıtýynsha, Irakty qalpyna keltirý jumystaryna keıbir memleketter qoldaý kórsetý ústinde. «Keıbir memleketter Irakty qaıta qalpyna keltirý mindetterine kiristi. Reseılik kompanıalar da bul proseske óz úlesterin qosyp jatqanyn aıta ketý kerek», – dedi. Sondaı-aq, terrorısterden azat bolǵan Mosýldy qaıta qalpyna keltirý jumystaryna $1 mlrd. ketetinin málimdedi.