Orta salmaqtaǵy chempıon tıtýlynan burynǵy úmitker amerıkalyq Vıllı Monro, WBC jáne IBF tujyrymdary boıynsha orta salmaqtaǵy álem chempıony qazaqstandyq Gennadıı Golovkın men meksıkalyq Saýl Alvarestiń jekpe-jegine qatysty pikir bildirdi dep habarlaıdy Qamshy.kz aqparat agenttigi Vesti.kz-ke silteme jasaı otyryp.

Aıta keteıik, 16 qyrkúıekke belgilengen jekpe-jekte Vıllı Monronyń ózi de ekinshi ret álem chempıony tıtýly úshin talasady. Ol ulybrıtanıalyq Bıllı Djo Sonderspen jekpe-jek ótkizedi.

«Ótirik aıtpaı-aq qoıaıyn. Men Golovkın-Alvares jekpe-jegin asyǵa kútip otyrmyn. Men de –boksshymyn, sondaı-aq, men de – jankúıermin. Ekeýine de uly boksshylar retinde qaraımyn. Bıllı Djo Sonderspen judyryqtasyp bolǵan soń, WBO tıtýlymen Golovkın-Alvares jekpe-jegin qaraımyn», – deıdi amerıkalyq boksshy.

Sonymen qatar, Vıllı Monro bul jekpe-jekte kimniń jeńiske jetýi múmkin ekenin aıtyp ótti.

«Ázirshe kimniń jeńetinin aıta almaımyn. Men olardyń bireýimen jekpe-jek ótkizgim keldi. Biraq, menińshe, «Kanelo» Golovkındi jeńe alady. Árıne, Golovkınniń de jeńiske jetkenin qalaımyn. Golovkın jeńse, revansh ala alamyn. «Kanelomen» ótetin jekpe-jektiń maǵan kóp aqsha ákeletinin bilemin, biraq Golovkınmen de judyryqtasqym keledi», – dep keltiredi Monro.