Dinı ádebıetti jáne dinı mazmundaǵy ózge de aqparattyq materıaldardy, dinı maqsattaǵy zattardy taratý úshin arnaıy stasıonarlyq úı-jaılardyń, sondaı-aq ǵıbadat úılerinen (ǵımarattarynan) tys jerlerde dinı is-sharalardy ótkizýge arnalǵan úı-jaılardyń ornalastyrylýyn aıqyndaý jónindegi Jańa nusqaýlyq qabyldandy dep jazady Qamshy.kz aqparat agenttigi.
Qazaqstan Respýblıkasy Din isteri jáne azamattyq qoǵam mınıstri N. Ermekbaevtiń 2013 jylǵy 9 maýsymdaǵy «Dinı ádebıetti jáne dinı mazmundaǵy ózge de aqparattyq materıaldardy, dinı maqsattaǵy zattardy taratý úshin arnaıy stasıonarlyq úı-jaılardyń, sondaı-aq ǵıbadat úılerinen (ǵımarattarynan) tys jerlerde dinı is-sharalardy ótkizýge arnalǵan úı-jaılardyń ornalastyrylýyn aıqyndaý jónindegi nusqaýlyqty bekitý týraly» № 89 buıryǵy 2017 jylǵy 3 tamyzda Ádilet mınıstrliginde resmı memlekettik tirkeýden ótti.
Osy Stasıonarlyq úı-jaılardyń jáne dinı is-sharalardy ótkizýge arnalǵan úı-jaılardyń ornalastyrylýyn aıqyndaý týraly nusqaýlyqta birqatar jańalyqtar men ózgerister bar.
Nusqaýlyqtyń qabyldanýymen ǵıbadat úılerinen (ǵımarattarynan) tys jerlerde dinı is-sharalardy ótkizýge arnalǵan úı-jaılardyń (namazhana) ashylýyna qatysty talaptar kúsheıtildi.
Sonymen qatar, ǵıbadat úılerinen (ǵımarattarynan) tys jerlerde dinı is-sharalardy ótkizýge arnalǵan úı-jaılarda (namazhana) dinı paryzdaryn oryndaýshylarǵa laıyqty qyzmet kórsetilýine erekshe nazar aýdaryldy.
Atap aıtqanda, úı-jaıdyń (namazhananyń) jalpy aýdany 20 sharshy metrden bastap 100 sharshy metrge deıin bolýy, dáret alý úshin qajetti sanıtarlyq torappen qamtamasyz etilýi, qoldanystaǵy zańnamalarǵa sáıkes sanıtarıalyq-epıdemıologıalyq saladaǵy normatıvtik quqyqtyq aktilerge saı kelýi jáne kúzetti basqarý púltyna tikeleı shyǵatyn, dinı is-sharalardy ótkizýge arnalǵan úı-jaıdy tolyq qamtıtyn beınekameralarmen jabdyqtalýy sekildi talaptar engizildi.
Joǵaryda atalǵan talaptarǵa jaýap bere almaǵan jaǵdaıda úı-jaılar (namazhana) ashýǵa jol berilmeıdi jáne muny jergilikti atqarýshy organdar ózderiniń qatań baqylaýynda ustaıtyn bolady.
Sondaı aq, temir jol jáne avtovokzaldar, áýejaılar men porttarda dinı is-sharalardy ótkizýge arnalǵan úı-jaılardyń ornalasýyna qatysty talap etiletin 300 metr alynyp tastaldy. Bul shara da saparda júrgen azamattardyń ózderiniń dinı qulshylyqtaryn oryndaýlaryna yńǵaıly jaǵdaı jasaýdan týyndady.
Jalpy alǵanda, jańadan qabyldanǵan nusqaýlyq azamattardyń zańda kórsetilgen quqyqtary men bostandyqtaryn qamtamasyz etýge baǵyttalyp qabyldanǵanyn atap kórsetýge bolady.
