Apple kompanıasy prezentasıa barysynda iPhone-nyń jańa iPhone 8 jáne 8 Plus modelderin tanystyrdy. Sondaı-aq jańa iPhone smartfonynynyń premıým nusqasy – iPhone H tanystyryldy, dep jazady Qamshy.kz aqparat agenttigi.

Alǵashqy eki modeldiń ereksheligi smartfondardyń artqy qaqpaǵy tegis áınekpen jabdyqtalǵan. Eki modeldiń de ekrandarynyń dıagonali aldyńǵy iPhone 7 jáne 7 Plus modelderiniń dıagonal kólemindeı. Prosesory – alty ıadroly A11.

Sondaı-aq qurylǵynyń negizgi kamerasy 12 megapıkseldi jańa sensorly bolyp keledi. Budan bólek jańa smartfondar symsyz zarádtaý fýnksıasyna ıe.

iPhone 8 smartfonynyń qara, sur jáne altyn tústes túrleri usynylady.

iPhone H smartfonyny tegis áınekti korpýs pen jıektemesiz OLED-dıspleıi (5,8 dúım) arqyly erekshelenedi. Jalpy Apple-dyń jańa qurylǵylary jıektemesiz shyqqan. iPhone H smartfonynyń panelinen Home túımesin endi kóre almaısyzdar. Onyń ornyna smartfon betinde ıesin tanı alatyn Face ID skaneri ornatylǵan. Atalmysh fýnksıa Touch ID-dyń analogi bolady jáne tólemderdi júzege asyrý úshin qoldanylady. Sondaı-aq qurylǵy qos L-pishindi akýmýlátormen jáne 3 Gb jedel jadymen jabdyqtalǵan.

AQSH-ta jańa modelderdiń baǵalary $699, $799 jáne $999 quraıdy. Satylymǵa 22 qyrkúıekte shyǵady.