Salyqty óz betinshe tóleýge yntalandyrýǵa basa nazar aýdarýmen salyqtyq ákimshilendirýdi jeńildetý usynylady dep habarlaıdy Qamshy.kz aqparat agenttigi.

SHOB jáne AÓK sýbektileri úshin balamaly tıimdi rejimdi tolyqtyrýmen sharttar jeńildetiledi.

Jańa salyq kodeksiniń jobasynda kóleńkeli ekonomıka boıynsha sharalar kórinis tapqan, birqatar jeńildikterdi jańǵyrtý, jer qoınaýlaryn paıdalanýǵa yntalandyrý usynylady.

Birinshiden, barlyq máseleler men aıqynsyzdyqtar salyq tóleýshilerdiń paıdasyna qaraı talqylanady. Bul qaǵıdat salyq daýlaryn ádil qarastyrýǵa múmkindik beredi.

Ekinshiden, eger salyq tóleýshi salyq organynyń túsiniktemesine sáıkes áreket etip, sonyń saldarynan ustanymyn ózgertse, aıyppuldar men ústemaqylar tóletpeý usynylady.

Úshinshiden, aýdarymdarǵa deıingilerdiń negizdiligine qoıylatyn talaptar kúsheıtiledi. Endi salyq tekserýleriniń aktilerinde sáıkes negizdemeler bolýy kerek.

Tórtinshiden, bızneske zańnamadaǵy ózgeristerdi zerdeleý úshin kóbirek ýaqyt beriledi.

Besinshiden, jyl boıy kóptegen túzetýlerden qorǵaý engiziledi. Týyndaǵan barlyq túzetýlerdi bir zańnamamen engizý usynylady. Bul bızneske salyq kodeksiniń barlyq ózgeristeri týraly habardar bolýǵa múmkindik beredi.