Sıngapýrdyń jańa prezıdenti bolyp parlament spıkeri bolǵan Halıma Iakob taǵaıyndaldy. Bul týraly sársenbide saılaý komısıasynyń tóraǵasy En Vaı Chýn málimdedi, dep jazady Qamshy.kz aqparat agenttigi.

Osylaısha 63 jastaǵy Iakob memleket prezıdenti bolǵan alǵashqy áıel atandy. Sondaı-aq prezıdent taǵy buıyrǵan malaı qaýymdastyǵynyń alǵashqy ókili.

Eks-spıkerden bólek joǵarǵy memlekettik laýazymǵa daýysqa túsýge 4 úmitker qatysqan, biraq eki úmitker malaı qaýymdastyǵynan bolmaǵandyqtan saılaýǵa túse alǵan joq. Ótken jyldyń qarashasynda bekitilgen zańnamaǵa sáıkes saılaýǵa tek malaılyqtar at salysa alady.

Erejege saı, prezıdenttikke úmitkerler qandaı da bir memlekettik laýazymda tájirıbesi bar nemese kapıtaly 500 mıllıon Sıngapýr dollarynan (371 mıılıon AQSH dollary) asatyn kompanıany basqarǵan bolýy tıis. Bıylǵy jyldyń maýsymynda qabyldanǵan talapqa tek Iakobtyń kandıdatýrasy sáıkes keldi.

Aıta ketý kerek, Halıma Iakob – memleket prezıdenti bolyp saılanǵan alǵashqy musylman áıel.