Demokratıalyq kúshterdiń "Qazaqstan-2050" jalpyulttyq koalısıasynyń otyrysynda QHKP hatshysy, DKUK múshesi, QR Parlament Májilisiniń depýtaty Jambyl Ahmetbekov sóz sóıledi, dep habarlaıdy Qamshy.kz aqparat agenttigi. Onyń aıtýynsha, tildi jańǵyrtý máselesi elimizdiń básekege qabilettiligi men ınovasıalar deńgeıi, memlekettiń ınvestısıalarǵa tartymdylyǵy men ashyqtyǵy, adam kapıtalynyń damýy sıaqty strategıalyq máselelermen tikeleı baılanysty.
«Qazaqstandyq komýnıser latyn qarpiniń qazaq tiline oralýyn qýana qarsy alady.
Bizdiń oıymyzsha, latyn qarpine kóshý arqyly memleketimiz álemniń kóptegen elderine ashyǵyraq jáne jaqynyraq bolady, óıtkeni qazirgi zamanda memleketterdiń 75%-dan astamy latyn grafıkasyn qoldanady.
Qazirgi tańda álemde 6 túrki memleketi bar. Qazaqstan latyn qarpin qoldanatyn besinshi memleket bolady. Qazaqstannyń Ázirbaıjan, Túrkıa, Ózbekstan men Túrmenistan sıaqty Orta Azıa jáne Kaspıı teńizi aýmaǵynyń memleketterimen odan ári jaqyndasýy men qarym-qatynastarynyń kúsheıýi, bul – ıntegrasıa men kórshiles qarym-qatynastardyń kúsheıýi bolyp tabylady.
Meniń oıymsha, latyn qarpine kóshýdiń barlyq alǵy sharttary bar. Bizde 100% jappaı saýattylyq, kúndelikti ómirde uıaly telefondy, ınternetti qoldaný barysynda árbir qazaqstandyq derlik is júzinde latynsha jazady jáne oqıdy .
«Rýhanı jańǵyrý» baǵdarlamasy jaryqqa shyqqan boıda biz elimizdiń aımaqtaryna sapar shegip, óńir turǵyndarymen kóptegen kezdesýler ótkizip, qazaqstandyqtardyń atalǵan baǵdarlamaǵa qyzyǵýshylyq tanytqandyqtaryn jáne birinshi kezekte memlekettik tildiń latyn qarpine kóshý máselesine qoldaý bildirip otyrǵandyqtaryn kórdik.
Otandastarymyzdyń basym kópshiligi Elbasyna qoldaý bildirýde jáne latyn qaripne kóshý úrdisin qajet dep esepteıdi.
Kúni keshe ǵana parlamenttik tyńdaýda jańa qazaq álipbıimen tanysyp, biz – komýnıser, partıalastarmen birlese onyń basymdylyqtary men múmkindikterin talqylap, usynylǵan latyn qarpiniń nusqasyn tolyq qoldaý týraly sheshimge keldik.
Komýnıstik halyq partıasy óz jumysynda jastarǵa, ásirese aýyldy eldi-mekenderdegi jastarǵa erekshe kóńil bóledi.
Jalpy, biz barlyq kúsh-jigerimizben qazaq tiliniń latyn qarpine kóshýin qoldap, onyń iske asyrylýyn qamtamasyz etýimiz qajet. Árıne, bul jerde eń negizgisi barlyq qoǵamdy jumyldyrý bolyp tabylady. Latyn qarpine kóshý arqyly barlyq tyń múmkindikterge qol jetkizetinimizdi halyqqa túsindirýimiz kerek. Bul bizdiń ortalyqta jáne jergilikti jerlerdegi ortaq mindetimiz,
Sondyqtan, men Qazaqstan komýnıseri atynan barlyq el azamattaryn jańa qazaq álipbıin engizý jónindegi talqylaýlarǵa belsendi qatysýǵa shaqyramyn».
