«Federaldyq jolaýshylar kompanıasy» AAQ («Reseı temir joldary» AAQ enshiles kásiporny) 2014 jylǵy 14 jeltoqsannan bastap bir jylǵa Ýkraınaǵa, Qazaqstanǵa, Ázerbaıjanǵa jáne Tájikstanǵa poıyzdardy toqtatady, dep habarlady TASS.

«Poıyzdardy alyp tastaý týraly sheshim 2014-2015 jyldarǵa arnalǵan qozǵalys kestesine túzetý aýqymynda qabyldandy jáne bul baǵyttar boıynsha tasymaldardyń tómen rentabeldiligimen baılanysty», dedi RTJ ókili. Onyń aıtýynsha, eger buryn jolaýshylar poıyzdary qozǵalysynyń kestesi jazǵy ýaqytta engizilgen bolsa, endi jeltoqsanda túziledi. Sóıtip, poıyzdardy alyp tastaý keminde bir jylǵa qabyldandy. «Alaıda keste jelisi qalady, ıaǵnı, qajettigine qaraı poıyzdar shyǵarylady», - dep atap kórsetti agenttik suhbattasýshysy. Ol poıyzdardy alyp tastaý jónindegi sheshim Belarýs, Ózbekstan, Moldova jáne Abhazıa baǵyttaryndaǵy qatynastar tasymaldaryna qatysty emes ekenin naqtylady.

QazAqparat